Aboaha fa Anao Tia Fianakavian̈anao

Fitiavan̈a io dity mampitambatra fianakavian̈a. Fitiavan̈a io koa tsisy, iro tsy hahavita hiray sain̈y ndreky hiaraka hiasa. Akory mety hataony lelahy, man̈angy ndreky raimandreny han̈aboahandro fa iro tia fianakavian̈andro?

Lelahy tia vady zen̈y tokony hieritreritry raha ilainy vadiny, hevitriny vadiny ndreky fihetsehampony vadiny. (Ef 5:28, 29) Man̈amia raha ten̈a ilainy fianakavian̈anany izy, avio man̈ampy iro hihavan̈a amy Jehovah, an̈atinizen̈y man̈ano Fotoampivavahany Fianakavian̈a tsy tapaka. (1Ti 5:8) Man̈angy tia vady ndraiky man̈eky vadiny ndreky ‘man̈aja izy mare.’ (Ef 5:22, 33; 1Pe 3:1-6) Iro fivadiany samy tokony ho von̈ono hamela heloko tanteraka. (Ef 4:32) Raimandreny tia zanaka zen̈y mandiniky raha momba zanakandro tsiaraikiaraiky, baka io mampianatra iro ho tia Jehovah. (De 6:6, 7; Ef 6:4) Ino problemondro a lekoly an̈y? Akory ataondro koa fa tahominy tsaiky lekoly haditry? Hahatsiaro ho sambatra ndreky ravoravo olo tran̈o araiky izikoa iro mifankatia.

ZAHAVA VIDEO MIFEN̈A FO MAN̈ABOAKA FITIAVAN̈A AMY FIANAKAVIAN̈ANAO AVIO TADIAVA VALINY FAN̈ONTANIAN̈A ABY TY:

• 

  Akory ataony lelahy tia vady mamelon̈o vadiny ndreky tia izy?

• 

  Akory ataony man̈angy tia vady man̈aja vadiny mare?

• 

  Akory ataony raimandreny tia zanaka mampianatra iro ho tia Volan̈a Zan̈ahary?