FAMPIOFAN̈ANA AMY FANOMPOAN̈A | AMPITOMBOSA HARAVOAN̈ANAO AMY FANOMPOAN̈A
Ikia Fan̈ampian̈any Piaramanompo
Namiany Jehovah iro rahalahy ndreky ranabavy erantany aby io atsika, han̈ampy atsika. (1Pe 5:9) Iro afaka man̈ampy atsika lera atsika tojy problemo amy fanompoan̈a. Karaha zen̈y apostoly Paoly. Izy nahazo hatsaran̈a baka tamy fan̈ampiany Akoila ndreky Prisila, Silasy, Timoty, ndreky olo hafa koa.—As 18:1-5.
Akory mety han̈ampiany piaramanompo anao lera amy fanompoan̈a? Iro mety han̈amia hevitry momba raha tokony hatao izikoa fa misy olo manohitry, momba fan̈anovan̈a fiverenana mitsidiky, na fanoloran̈a ndreky fitaritan̈a fampianaran̈a Baiboly. Iritrireta azovy amy fiangonan̈anaro ao mety afaka han̈ampy anao, ke mivolàn̈a aminany. Matokisa fa samy hahazo hatsaran̈a anaro, avio koa samy ho ravoravo.—Fi 1:25.
ALIFASA VIDEO MAMPARAVORAVO ASA FAN̈ANOVAN̈A PIANATRA IO: IKIA FAN̈AMPIAN̈A BAKA AMY JEHOVAH: IRO RAHALAHINTSIKA ABY IO AVIO VALIA FAN̈ONTANIAN̈A ABY TY:
Akory nataony Neeta nitaon̈o Jade handeha hivory?
Nan̈ino atsika tokony hitondra naman̈a izikoa fa mandeha mampianatra Baiboly?
Olo jiaby amy fiangonan̈a mifan̈ampy aminy asa fan̈anovan̈a pianatra
Ino raha nampakamarady Jade ndreky Abigay?
Ino aby raha mety hampianariny piaramanompo anao momba fanompoan̈a?