FAMPIOFAN̈ANA AMY FANOMPOAN̈A | AMPITOMBOSA HARAVOAN̈ANAO AMY FANOMPOAN̈A
Ampia Olo Ampianarinao Baiboly Baka Hahay Hianatra
Izikoa tiantsika hahay Jehovah ndreky ho matotro pianatra Baibolintsika, tsy ampy izikoa fahamarin̈ana fo ampianarintsika iro. (Mt 5:3; He 5:12–6:2) Mila ampianarintsika iro koa karakory atao mamahanten̈a aminy arapan̈ahy.
Amy voanalohany, aboaha pianatranao karakory ma man̈oman̈a fianaran̈a Baiboly zen̈y, baka io amia korazy izy baka han̈oman̈a karaha ny nampianarinao izy. (mwb18.03 6) Volàn̈a aminany koa fa mila mivavaka izy isaka izy zaraiky hianatra. Ampia koa izy baka hahay han̈ano fikarohan̈a amy fitaovan̈a elektroniky, koa fa mianatra. Ohatra, ambarà izy akory ahitan̈a raha vaovao amy jw.org ndreky amy Tele JW. Ampianara izy koa karakory atao mamaky Baiboly isanandra, man̈oman̈a fivorian̈a, baka io man̈ano fikarohan̈a momba iro fan̈ontanian̈anany. Ampirisiha koa izy hisaintsain̈y raha baka nampianarin̈y izy.
ZAHAVA VIDEO AMPIA OLO AMPIANARINAO BAIBOLY BAKA HAHAY HIANATRA AVIO TADIAVA VALINY FAN̈ONTANIAN̈A ABY TY:
Akory nataony Neeta nan̈ampy Jade handiniky tsarabe fa tsy raha zisty mitady valiny fan̈ontanian̈a fo?
Ino raha nan̈ampy Jade ho resy lahatra fa nohony fitiavan̈a mahavy Jehovah tsy man̈omba olo hijangajanga?
Ampianara pianatranao akory atao mianatra ndreky man̈araka raha ianaran̈a
Ino raha nazava tamy Jade, izy koa fa baka nisaintsain̈y?