FOMBA FIAIN̈ANA KRISTIANIN̈Y
Anaro Tanora—Ambarà Olobenaro Raha An̈aty Fonaro
Nan̈ino ma anaro tsy tokony hiafahafa hikoran̈a aminy olobenaro? (Oh 23:26) Fotony iro nirahiny Jehovah hikarakara anaro ndreky hitariky anaro amy fiain̈ana. (Sl 127:3, 4) Ho sarotro amindro han̈ano zen̈y izikoa asitrikinaro iro raha mampiasaloha anaro ndreky sekirenaro. Iro io efa maro raha nandalovan̈a tamy fiain̈ana. Ke tsy ho hitanaro raha zen̈y anaro koa tsy mikoran̈a amindro. Ke ratsy ma mitana sekirentena tompiny? Tsy voatery ho ratsy fa izy fo tsao hahavy iro hieritreritry raha tsy marin̈y momba anao.—Oh 3:32.
Akory hikoran̈anao aminy olobenao? Mizahava lera mety aminao ndreky pare amindro tsarabe. Izikoa sarotro aminao man̈ano zen̈y, sorata amy taratasy raha tianao koran̈iny, baka io amia papanao na mamanao. Akory fo hataonao, izikoa misy raha tsy tianao koran̈iny amindro? Aza adin̈a fa iro ten̈a tihan̈ampy anao. Aza indesin̈y karaha fahavalonao iro fa ataova kamarady, izikoa anaro fa mikoran̈a. Anao koa zatra mikoran̈a tsarabe aminy olobenao, hahatsara anao ziskamy fiain̈ananao afara an̈y raha zen̈y, mandrakizay foeky.—Oh 4:10-12.
ZAHAVA VIDEO FIAIN̈ANANY TANORA: AKORY HATAOKO HIKORAN̈A AMY PAPA NDREKY MAMA? AVIO TADIAVA VALINY FAN̈ONTANIAN̈A ABY TY:
Akory nahaizany Esther ndreky Partik toetrindro tompiny?
Ino raha ianaranao baka amy Jesosy?
Ino raha ataony olobenao ahitanao fa iro mikarakara anao ankitin̈y?
Tiany olobenao hahomby anao amy fiain̈ananao
Ino aby ma toro lalan̈a Baiboly man̈ampy anao hikoran̈a aminy olobenao?