FOMBA FIAIN̈ANA KRISTIANIN̈Y
Ino ma Raha Ianarantsika Baka amy Tantarany Samoela?
Samoela tsy nivadiky tamy Jehovah ziska izy naty. Ndray izy mbala hely, izy tsy naditry karaha iry Hofinia ndreky Finehasa, zanakany Ely. (1Sa 2:22-26) Jehovah tsy niala Samoela foeky ziska izy be. (1Sa 3:19) Mbala nanompo Jehovah fo izy firaka izy natoe, nata tsy nan̈ano karaha zen̈y iro zanany aby io. —1Sa 8:1-5.
Ino raha ianarantsika baka amy Samoela? Anao koa mbala tanora, matokisa fa hitany Jehovah raha mahazo anao ndreky raha tsapanao. Izy hampisy korazy anao. (Is 41:10, 13) Izikoa anao raimandreny manan̈a zanaka tsy manompo Jehovah, aza adin̈a fa Samoela tsy niforse ry zanany han̈araka fitsipikiny Jehovah. Napetrany tamy Jehovah problemonany, ke izy tsy nivadiky foeky fa nan̈ano raha namparavoravo Jehovah fo. Fa anao koa tsy mivadiky amy Jehovah, zen̈y mety hampatontohitry zanakanao himpody amy Jehovah.
ZAHAVA VIDEO MANGALÀ LESON BAKA AMINDRO: SAMOELA AVIO TADIAVA VALINY FAN̈ONTANIAN̈A ABY TY:
Akory nahitan̈a fa Samoela nisy korazy taminizy mbala hely?
Akory nahitan̈a fa Danny nisy korazy?
Nan̈ino Samoela modely tsara ninolo matoe?
Jehovah manohan̈a olo von̈ono han̈araka ny marin̈y
Ino ivolan̈ana fa raimandreniny Danny modely tsara?