FOMBA FIAIN̈ANA KRISTIANIN̈Y
Raimandreny—Ampia Zanakanaro Baka Hahay Hampiasa Raha Nianarandro Momba Zan̈ahary
An̈isany fomba ten̈a tsara an̈ampiany raimandreny zanany hahazo fahendrena baka amy Zan̈ahary, fampianaran̈a iro hahazo hatsaran̈a baka amy fivorian̈a. Raha hitandro ndreky raha ren̈indro an̈y rango iro mbala hely, avio valintenindro amy fivorian̈a hahavy iro hahay Jehovah ndreky hikamarady mare aminany. (De 31:12, 13) Ke izikoa anao raimandreny, akory han̈ampianao zanakanao hianatra raha tsarabe avy amy fivorian̈a an̈y?
Mifen̈a fo anaro jiaby mandeha mivory.—Sl 22:22
Mikoràn̈a tsarabe amindro rahalahy ndreky ranabavy aby io alohany fivorian̈a manomboko ndreky lera ravan̈a. —He 10:25
Amia raha ampisain̈a amy fivorian̈a iry zanakanaro, na vita pirinty izio na elektroniky
Ampianara iro man̈oman̈a valinteny amy fomba fivolan̈andro.—Mt 21:15, 16
Raha tsara momba fivorian̈a io fo koràn̈a, avio ambarà iro raha nianaranaro tan̈y
Izikoa latoronaro mamafa tran̈o fivorian̈a, indesa mamafa miaraka aminaro iro, avio indesa mikoran̈a aminolo efa matoe miaraka mivory aminaro koa iro
Tsy asa mora fan̈ampian̈a zanaka hanjary kamaradiny Jehovah zen̈y. Mety hampiasaloha koa izio. Fa matokisa fa Jehovah han̈ampy anaro.—Is 40:29.
ZAHAVA VIDEO ANARO RAIMANDRENY, MILAMPIA AMY JEHOVAH NDREKY ANGOVONANY, AVIO VALIA FAN̈ONTANIAN̈A ABY TY:
Ino vokatrany hakajoan̈a mare loatra tamy Zack ndreky Léa?
Nan̈ino raimandreny mila mangataka angovo amy Jehovah?
Ino aby raha nataondro fivadiany ke nan̈aboahandro fa iro natoky Jehovah han̈ampy iro?