Mahaimaro Fo Olo Latsatokana Eran-tany: Akôry Atao Baka Tsy ho Tatran’izen̈y?

• ‘Efa hely tsy antsasakan’olobe an Etazonỳ an̈y mahatsiaro ho latsatokana aviô ankamarozandrô io, olo an̈elan̈elan̈an’ny 18 taon̈o firaka 25 taon̈o.’​—Our Epidemic of Loneliness and Isolation: The U.S. Surgeon General’s Advisory on the Healing Effects of Social Connection and Community, 2023.

• “[Fikambanan̈a Iraisam-pirenena Momba Fahasalaman̈a] nanendry vaomiera araiky mikarakara fifandraisan̈a amy fiaraha-monin̈y hizaha tsara momba fahatsapan̈a ho latsatokana io ndreky handaminan̈a izio malaky, hampirisiky olo hifen̈y hifandray amin’olo hafa, aviô hizaha vahaolan̈a ten̈a mety, na masikiny firenena io na manankarian̈a.”​—Fikambanan̈a Iraisam-pirenena Momba Fahasalaman̈a, 15 Novambra 2023.

Amy Baiboly ao misy torohevitry man̈ampy atsika hankatsara fifandraisantsika amin’olo, amy zen̈y atsika tsy hahatsiaro latsatokana.

Torolalan̈an’ny Baiboly afaka man̈ampy

Ahen̈a raha mety hahavy anao hitokatokan̈a. An̈isan’izen̈y fampiasan̈a Internet be loatra. Mitadiava fomba hifaneraseran̈a mivantan̈a amin’olo baka anao hahazo ten̈a naman̈a.

• Torolalan̈an’ny Baiboly: “Olo ten̈a naman̈a zen̈y tia amy fotoan̈a jiaby, sady ten̈a rahalahy vôn̈ono han̈ampy amin’ny andra sarotro.”​—Ohabolana 17:17.

Mitadiava fomba han̈ampian̈a olo. Atsika koa fa man̈ano raha tsara amin’olo, atsika tsy vitan’ny hahaiho kamarady amin’olo fo fa hanjary ho sambatra fo koa.

• Torolalan̈an’ny Baiboly: “Man̈amia raha olo ten̈a mampasambatra tozay amezan’olo raha.”​—Asan’ny Apostoly 20:35.

Zahava tranonkalanay izikoa tianao hahita torohevitry baka amy Baiboly momba akôry atao baka hifandraisan̈a tsara amin’olo.