Mitandrema Izikoa fa Mampiasa Tranonkala Fifaneraseran̈a

NAN̈INO MA ZEN̈Y ILAIN̈Y? Mira fitaovan̈a jiaby fo tranonkala fifaneraseran̈a io, mety hampatsara na mety handrobaka atsika. Kristianin̈y sasany mifidy tsy hampiasa tranonkala fifaneraseran̈a io foeky. Sasany ndraiky mampiasa izio hifandraisan̈a amy lafamỳ ndreky amy naman̈a. Kanefa tiany Devoly ho robaka lazantsika ndreky fifandraisan̈antsika amy Jehovah lera atsika mampiasa tranonkala fifaneraseran̈a. Mety ampiasaintsika toro lalan̈a Baiboly baka atsika tsy ho voa. Hangala tahaka Jesosy koa atsika amy zen̈y.—Lk 4:4, 8, 12.

MITANDREMA TSAO:

• Mandany lera be loatra amy tranonkala fifaneraseran̈a. Tsy ho hisy fotoan̈a hampiasaintsika niny Jehovah, izikoa lanìntsika mizaha raha amy tranonkala fifaneraseran̈a fo

  Toro lalan̈a Baiboly: Ef 5:15, 16; Fi 1:10

• Mizaha raha tsy mazavazava. Manjary andevony sary vetaveta olo zatra mizaha zen̈y, sady mety haloto fitondranten̈a foeky. Mety hivadipinoan̈a koa olo mamaky raha nisoratinolo pivadipinoan̈a

  Toro lalan̈a Baiboly: Mt 5:28; Fi 4:8

• Mandefa sary na manoratra raha tsy manjary. Fô io mamitaka, ke loso mora aminolo mandefa sary na manoratra raha tsy manjary aminy Internet ao. Kanefa raha zen̈y mety handrobaka lazanany na hampihen̈y finoan̈anolo hafa

  Toro lalan̈a Baiboly: Ro 14:13; Ef 4:29

ZAHAVA VIDEO MBA MAHAIZA FETSIFETSY IZIKOA FA MAMPIASA INTERNET, AVIO DINIHA INO RAHA METY ATAO BAKA TSY HO VOANY RAHA ABY TY: