Hatsarà Fanompoan̈anao: Fan̈ajanon̈ana Pianatra Baiboly Tsy Mandroso

NAN̈INO RAHA ZEN̈Y TEN̈A ILAIN̈A? Tsy maintsy mikaiky an̈aran̈a Jehovah olo araiky, baka izy ho voavonjy. (Ro 10:13, 14) Tsy olo jiaby mianatra Baiboly zay mifen̈y hiain̈y mifan̈araka amy fitsipikiny Jehovah. Atsika man̈ano erakany vitantsika, mampiasa fotoan̈antsika han̈ampian̈a lan̈iany olo tihan̈ano fan̈ovoan̈a baka hamparavoravo Jehovah. Ke izikoa pianatra Baiboly araiky efa nianatra elaela fa tsy mety mandroso, sitrany ajanon̈o fianaran̈anany. Sitrany atsika mitady olo man̈eky hitahominy Jehovah aminany ndreky amy fandaminan̈anany. (Jn 6:44) Koa ndraiky mandeha fotoan̈a, hitantsika izy efa miova ke “man̈eva hahazo fiain̈ana tsisy farany”, ravoravo atsika mimpody mampianatra izy ndraiky koa.—As 13:48.

AKORY HAN̈ANOVAN̈A ZEN̈Y?

• Ampirisiha pianatranao han̈iry hahay tsarabe ny marin̈y.—1Ti 2:4

• Ankamafisa antony mahavy izy mila man̈araka raha ianarany.—Lk 6:46-49

• Koràn̈a aminany aminkatsarampan̈ahy fan̈oharany Jesosy momba pamafy in̈y, avio ampirisiha izy handiniky raha misakan̈a izy tsy han̈araka raha ianarany. —Mt 13:18-23

• Mahaiza mandanjalanja lera man̈azava aminany antony an̈ajanon̈ana fianaran̈anaro

• Ambarà izy fa anao mbala hamangy izy fo, sady afara an̈y, izikoa izy efa von̈ono handroso mety tohizan̈a fo fianaran̈anaro

ZAHAVA VIDEO IO, BAKA IO VALIA FAN̈ONTANIAN̈A ABY TY:

• Ino tamy koran̈andro tio ahitan̈a fa pianatra Baiboly io tsy mandroso?

• Akory nataony pitory nan̈ampy olo ampianariny hahatsapa fa izy mila man̈ano fan̈ovoan̈a?

• Akory nataony pitory io baka hazava amy pianatra io tsarabe fa mbala afaka tohizan̈a fo fianaran̈a lera izy von̈ono hiova?