Ho Vitanao Hitory Ndreky Hampianatra!

Mosesy nisalasala tsao tsy ho vitany asa nan̈irahany Jehovah izy. (Ek 4:10, 13) Asa mba efa nahazo anao raha karaha zen̈y? Mianatra Baiboly amy Vavolombelon̈o Jehovah ma anao izioty? Asa anao mieritreritry fa tsy ho vitanao hitory isaka tran̈o? Sa anao tanora ke misalasala hitory a lekolinaro an̈y? Sa anao mety tsy masaky man̈ano fitorian̈a amy tany maro olo na fitorian̈a amy telefony? Mivavaha amy Jehovah baka anao hahazo fan̈ahy masin̈inany han̈amia angovo anao. (1Pe 4:11) Matokisa fa izy han̈ampy anao hahavita zay fanompoan̈a an̈irahany anao.—Ek 4:11, 12.

ZAHAVA VIDEO KORAZY FO ANARO ... PITORY, BAKA IO AN̈ONTANIA PAN̈ATRIKY:

• Ino raha sarotro tamy ranabavy Aoyama?

• Akory nazahoany angovo ndreky korazy?—Je 20:7-9

• Ino hatsaran̈a nazony izy koa fa nifen̈y fo nampitombo fanompoan̈a Jehovah?

• Ino aby raha sarotro hitanao amy fanompoan̈a ke mety han̈ampiany Jehovah anao?