KWAA KUKƐ-ƔENIƐI KƐ YƐƐ KORAI-ƁELA
Ziova A Kpɔŋ-maa Tɛɛ Kupɔ Kwa Kɛ Tɛɛi Mɛni-kpulu-ŋa Su
Kwa tɛɛi mɛni-kpɔlu tamaa su a ŋele-ŋai gbɛɛ-ŋa tãi ŋi. Tãi taŋa a kɛ kukili-ŋa a gɛɛ kufa pɔri tɔɔi a gbanaŋɔɔ mɛni-kpanaŋ-ŋai su kwa tɛɛi zui. Kɛlɛ, kwa kanaŋ lɛɣɛi a Ziova, a pai kpɔnii kua a gɛɛ ku tɔɔ a gbanaŋɔɔ mɛni-kpɔlu kelee ta su. (Az 43:2, 4) Kwa pɔri lɛɣɛi leŋ a Ziova kwa kɛ tɛɛi mɛni-kpanaŋ-ŋa su?
Ɣala-fɛliɛ. Kwa kulii su mɛni-ŋa kelee mo Ziova ma, a lii-see da kponoi kpanaŋ tɛɛ kupɔ.—Fe 4:6, 7; 1Tɛ 5:17.
Goɣaŋ-ŋai. Mɛni-ŋai kwa maa-kɔri goɣaŋ-ŋai sui da naoi-laa lɛlɛ-ŋai kwa gɛ naai da kpɔŋ kua a gɛɛ kutɔɔ a gbanaŋɔɔ kulii sɛlɛŋ-ŋai su. (Ib 10:24, 25) Kwa kukpiŋ kpɛtɛ goɣaŋ-ŋai mɛni ma a tãi kelee a gɛɛ ku pɔri kumare-kɛɛ-ŋai ta sukulai, Ziova ŋɔmɔleŋ maa waai a kpɔŋ maa tɛɛ kupɔ.—Mɛ 2:29.
Ŋala-woo-ɓo-tii. Kwa kɔ a gɛɛ kukɛ ŋala-woo-ɓo tii kɛ a tãi kelee a pai kpɔnii kua a gɛɛ kuŋɛi e kɛ nɔ mɛni-lɛlɛ-ŋa dia. Kwa pai ŋɔnɔ kulaoi-laai sukpananii a Ziova e pɛlɛ la kuɓaraŋ korai-ɓela ma.—1Kl 3:5-10.
VILOI ŊI SUKAA JEHOVAH WILL TAKE YOU IN, GƐ NI KA MARE-KƐƐ-ŊAI ŊI SUKULA:
Le ɓe kpɔŋ-maa-tɛɛ Malu pɔ a gɛɛ e lɛɛ Ziova polu gɛɛ tɛɛi mɛni-kpanaŋ-ŋa su?
Yɛɛ Malu, mɛnii Ŋule-wooi 34:18 e moi a pɔri kuŋa nɛnɛ leŋ kwa kɛ tɛɛi mɛni-kpanaŋ-ŋa su?
Malu ŋɔmɛni-kɔɔŋ-maai e nɛ leŋ kua a gɛɛ Ziova a ‘wala-walalaa su kɛtɛ’ tɛɛ kupɔ kwa kɛ tɛɛi mɛni-kpanaŋ-ŋa su?—2Kl 4:7