MANAAI 5-11

ŊULE-WOOI 70-72

Ŋulei 59 da Ɣala-fɛliɛ | Mɛni-ŋai Kwa Pai Maa-kɔrii (Mini 1)

MƐNI-ŊUŊ-ŊAI NYII KULA ŊALA-KƆLƆI SUI

1. Ɣala Ŋɔwala-wala-laai Maa Mɛni Ɓo Tinaa-tuɛ-pere Nĩa-pɛlɛɛi Dia

(Mini 10)

Deeɓe e gaa a gɛɛ Ziova e maa kɔ̃ɔ gɛɛ a nyaŋkpai (Ŋu 71:5; w99-ELI 9/1 18 ¶17)

Deeɓe e gaa a gɛɛ Ziova e kpɔŋ maa tɛɛ bɔ gɛɛ a nuu-pɔlɔ (Ŋu 71:9; g04-ELI 10/8 23 ¶3)

Deeɓe e nuu-tɔɔ-ŋa fɔrɔ a mɛni-ŋai e tɛɛ zui ɓoɔɔ dia (Ŋu 71:17, 18; w14-ELI 1/15 23 ¶4-5)

Gaayɔɔi nyii ku difotoo kaa nɔɔkuu pɔlɔi su zɛŋ-lɛɛi ŋi mui: “Tɔ̃ya-ŋuŋ-ŋa Kaayɔɔ Ɣala-kɔlɔ Maa-kɔriɛ Mɛni Ma.” Daa tua-laa su nuu-pɔlɔ feerɛ toli a gɛɛ di too dipɔ dikaayɔɔ Ɣala-kɔlɔ maa-kɔri ma, nyaŋ dikaa diwoli tɔɔi dia dikɛ difotoo-ŋai lɛ, dikɛ mɛni-ŋai daa tɛɛ zui ɓo dia.

IKILI-ŊA SIA E PILAŊ MARE-KƐƐ ŊI MA, ‘Korai-nuu kɛɛ leŋ ɓe ŋa pɔri mare kɛi kukorai-toli-kpɔŋ su a Kukaayɔɔ Ɣala-kɔlɔ Maa-kɔriɛ tãi nyii aa tua Ziova fɛlii?’

2. Mɛni Lɛlɛɛ-ŋai Ŋala-kɔlɔi Sui

(Mini 10)

Ŋu 72:8—Gono-teei Ziova e gɛ Eberaɣɛ̃ɛ mi nyii gaa Zɛnɛse 15:18 sui ŋaa-see e kɛ leŋ Galoŋ Saloma ŋɔtãi ma? (it-1-ELI 768)

Zukulai
Mɛni-ŋuŋ-ŋa kɛɛ leŋ ɓe I maa-kɔri Ŋala-kɔlɔi lonoɔ su nɔɔ-kuui ŋi su nyii ya pai ŋwɛlii I lono e pilaŋ mai?

Zukulai

3. Ŋala-kɔlɔ-kpuai Nono Mɛni Mai

(Mini 4) Ŋu 71:1-24 (th zɛŋ-lɛɛi 5)

BEREI YA PƆRI ŊALA-WOO-ƁO TII KƐI LA A NƐLƐƐ

4. Lono Kɔɔ-pilaŋ Pere

(Mini 3) PƐRƐ-LA ƔALA-WOO ƁOƆƆ. Nuui a kɛ ŋwɛlii e laa-saa kɛ, ye nyɛpɛi kpera a nɛlɛɛ. (lmd zɛŋ-lɛɛi 4 mɛni-ŋuŋ 5)

5. Lene-polu Naa-kaa Kɛɛ

(Mini 4) ƔALA-WOO ƁOƆƆ A TÃI IFE GBƐTƐ NI LA A GƐƐ I ƔALA-WOO ƁO. Lono ikaayɔɔi su nuu ta pɔ nyii I lono bɔ a bɔlɔi, nyii ve kɛ ni ŋwɛlii e Ŋala-kɔlɔi maa-kɔrii. (lmd zɛŋ-lɛɛi 8 mɛni-ŋuŋ 4)

6. Ilaa-lai Sukulaa

(Mini 5) Lono. ijwfq 49—Zɛlɛŋ-kpau: Le Mɛni Ɓe Ziova Ŋɔsere-faa Kɛ-ɓelai Daa Mɛni-ŋai Dikɛ A Di Laa Lai Taŋa Maa Faleŋ Lai? (th zɛŋ-lɛɛi 17)

KWAA KUKƐ-ƔENIƐI KƐ YƐƐ KORAI-ƁELA

Ŋulei 76

7. Lia-woo-ŋa Kaayɔɔ Ɣala-kɔlɔ Maa-kɔriɛ Mɛni Ma

(Mini 15) Ka lono e pilaŋ ma.

Gaayɔɔi ku di kaa fulɔi, dikaa tɔɔi, dikɛ kuwule-ŋai ta too pere maa-kɔri.

Diloŋ nɛnii dɔnɔ da nee dikaa mɛni pɔɔkɔɔŋ kɛi a Dikaayɔɔ Ɣala-kɔlɔ maa-kɔri tãi.

Gaayɔɔ Ɣala-kɔlɔ maa-kɔriɛ tãi kaa a tãi lɛlɛɛ a gɛɛ nĩa-pɛlɛɛi di mɛni maa-kɔri e pilaŋ ‘Ziova ŋɔsɛŋ-lɛɛi ma da ŋɔyao-maai.’ (If 6:4) Mɛni maa-kɔriɛ kaa a tii, kɛlɛ nĩa-pɛlɛɛ da pɔri ŋaa-nɛ̃ɛ kulai a kɛ da pɛlɛ Ŋala-kɔlɔi ŋɔtɔ̃ya-ŋuŋ-ŋai ŋaa kaai a nɛlɛɛ. (Zɔ 6:27; 1Pi 2:2) Lono e pilaŋ basii ŋi ma, “Lia-woo-ŋa Kaayɔɔ Ɣala-kɔlɔ Maa-kɔriɛ Mɛni Ma” nyii a kpɔŋ maa tɛɛ loŋ-kaa-ɓela pɔ a gɛɛ di Gaayɔɔ Ɣala-kɔlɔ Maa-kɔriɛ kɛ a pere sii nyii nua da pai ŋaa-nɛ̃ɛ kulai di mɛni maa-kɔri zu, gɛ ni ka lono e pilaŋ mare-kɛɛ-ŋai ŋi dia:

Nia-woo-ŋai ŋi nenɛ ɓe ya pai ŋwɛlii I tii kɛ lai?

Zukulai
Yaa mɛni-ŋuŋ takpɛni kaa nyii nɛlɛɛi Gaayɔɔ Ɣala-kɔlɔ Maa-kɔriɛ mɛni ma?

Zukulai

LIA-WOO-ŊA KAAYƆƆ ƔALA-KƆLƆ MAA-KƆRIƐ MƐNI MA

ŊALA-KƆLƆI:

Ka kawoli-tɔɔ Ŋala-kɔlɔi lono-woo ma nɔɔkuui ti mɛni ma, kpaa ka nono gie ma. Gaayɔɔi su-ɓelai kelee di nua takpɛni-ŋai diwoo kaa Ŋala-kɔlɔi sui lono tɛitɛi
Mare-kɛɛ-ŋa pɔ̃yɛ nyii bilaŋɔɔi Ŋala-kɔlɔ-kpuai nono mɛni mai ma nɔɔkuui su. Gaayɔɔi su-ɓela kelee di mare-kɛɛ-ŋai dɛitɛi siɣe di mɛni maa-kɔri e pilaŋ ma. Gɛ ni da pɔri lonoi e pilaŋ mɛnii ma daa maa-kɔrii
Mare-kɛɛ ta kɛ kpaa lono e pilaŋ mɛni ta ma, gɛ ni ka mɛni maa-kɔri gɔlɔ-kpuai Scriptures for Christian Living su, e pilaŋ Ŋala-kɔlɔi ŋɔtɔ̃ya-ŋuŋ ma nyii ka pɔri tii kɛi lai
Ka mɛni pɔɔkɔɔŋ kɛ nyii bilaŋɔɔi Ŋala-kɔlɔi mela ta ma
Kɔlɔ-kpua kpɛtɛ I Ɣala-kɔlɔ-kpua pɔ̃yɛ ma a lɔɔkuu kelee, yɛɛ nyii-ŋai dikaa mɛni-ŋuŋ-ŋai gɔlɔi kpɛɛ-ŋai (A) su, Nua Wɛli—I Dikɛ A Zisɛ Polu-ɓela kɔlɔ-kpuai sui, gɛ ni ka kɔ ka ŋala-kɔlɔ-kpuai maa-kɔri e lɛɛ kakili-ŋa. Ka ŋala-kɔlɔ-kpuai ka bɔ̃yɛ gɔlɔ-kpuai ma nɔɔkuu pɔlɔi mɛni mai too polu kakili-ŋa
Ka Kɛ-ɣɛniɛ Ŋaa-nɛ̃ɛ Kula Wɔlɔ-wɔlɔ Da Wɔlɔ-wɔlɔ! kɔlɔi mela ta maa-kɔri
Gaayɔɔi su-ɓela taŋa mare-kɛ a gɛɛ di lono e pilaŋ zɛŋ-lɛɛ-ŋai tɔnɔ ma nyii gaa zɛŋ-lɛɛ kpului “Bible Questions Answered” kpaa “Bible Verses Explained,” nyii gaa BIBLE TEACHINGS mu jw.org fãai-ŋa

GOYAŊ-ŊAI:

Ka kakpiŋ kpɛtɛ goyaŋ mela ta mɛni ma
Ka mare-kɛɛ sukula-woo-ŋa kpɛtɛ ka maa-kɔri. Tãi e lɛɛ kakili-ŋa
Ka ŋule-ŋai maa-kɔri
Ka lono e pilaŋ mɛnii ma ka pɔri moi a gɛɛ ka nuu ta fɔrɔ goyaŋ kɔɔ e lɛɛ pai pilani kpaa goyaŋ kpɛɛ-ŋa, ka maa-kɔri gie ma
Ka pɔri nonoi gaayɔɔi su nuu ta a pai dɛɛi nɔɔkuu sama koyaŋ sui maa-kɔrii gie ma

ŊALA-WOO-ƁO TII:

Ka kakpiŋ kpɛtɛ bɛrɛ-la ɣala-woo-ɓo tii mɛni ma
Ka kakpiŋ kpɛtɛ lene-polu naa-kaa mɛni ma
Ka kakili-ŋa sia e pilaŋ mɛni ta ma nyii pai pere la ɓoi a gɛɛ ka ɣala-woo ɓo, gɛ ni ka mɛni maa-kɔri e pilaŋ berei ma ka pɔri lono kɔɔ pilani la a nɛlɛɛ
Ka lono e pilaŋ mɛni-kpɛtɛɛ ta ma nyii ka pɔri gɛi a gɛɛ ka kamaa tɛ kaɣala-woo-ɓo tii su a Zisɛ Ŋɔsaa Kili-too-ŋa Kpɔŋ tãi kpaa tãi kafe pai kɛi lii la kɔlɔ-pɛrɛ mu kpaa tii kɛi

MƐNI-ŊAI GAAYƆƆI SU-ƁELA DA TƐƐI ZUI:

Ka mɛni maa-kɔri e pilaŋ mɛnii ma ka pai gɛi e pilaŋ mɛni ta ma nyii gaayɔɔi a tɛɛi zui kpaa nyii a pɔri kɛi tinaa-tuɛ-pere. Mɛni-ŋai ŋi taŋa ɓa, nuu yee kulaa gɔmɛti mɛni su, ɣɛlɛ-maa-kulaa nuu ta kponoi, nua kɛɛ dikie-ni maa-kpɛɛi tua-laa mɛni ma, kpaa ɣele-kuu kɛtɛ-ŋa kulaa
Ka mɛni pɔɔkɔɔŋ kɛ, nyaŋ noŋ-kaa-ɓelai di dikpiŋ kɛ nɔ yɛɛ nĩa-pɛlɛɛi. Naa polu ma, nĩa-pɛlɛɛi di mɛni maa-kɔri e pilaŋ mɛni-ŋuŋ ta ma, gɛ ni di lono dikaa-ɓela pɔ e pilaŋ ma

LIA-WOO TAKPƐNI-ŊA:

Ka JW Broadcasting® program tɔnɔ su kaa, ka lono e pilaŋ ma
Ka sɛŋ-lɛɛ ta lono kpaa ka vilo tɔnɔ su kaa jw.org fãai-ŋa, gɛ ni ka lono e pilaŋ ma
Ka mɛni ta maa-kɔri “Nyaŋkpa-ŋa” kpaa “Nĩa-pɛlɛɛ” kpiniŋ-ŋai mu nyii gaa MƐNI-ŊAI ŊALA-KƆLƆI SUI kwaai ma jw.org fãai-ŋa
Ka lono e pilaŋ mɛni-ŋuŋ-ŋai dia ka bɔ̃yɛ kɔ̃ŋvensɔŋ kpaa sakiu kpɔŋ ta ma
Ka Ɣala kpɛtɛ-sɛŋ ta maa-kpɛɛ kpaa ka mɛni maa-kɔri e pilaŋ ma, gɛ ni ka lono e pilaŋ mɛni-ŋuŋ ma a nɛ kua e pilaŋ Ziova mai
Ka nuu ta toli a gɛɛ e too kapɔ a tãi taŋa ka kaayɔɔ ɣala-kɔlɔ maa-kɔriɛ mɛni ma, gɛ ni ka pɔri mare-kɛi a mare-kɛɛ taŋa
Ka mɛni-kpɛtɛɛ-ŋa kɛ dɔ̃yai su, ka lono e pilaŋ berei ma ka pɔri diŋaa-see kɛi lai
Ka pɔri tii kɛi gie ma a tii kɛɛ a mɛni-kɔɔŋ-maa ta Ŋala-kɔlɔi su, kwaa ma lɛ kɔlɔ kpaa basi

VILOI ŋi lɛ: Kanaŋ Ikaayɔɔ Ɣala-kɔlɔ Maa-kɔriɛ Kɛ Pere Maa Tɛi. Gɛ ni nuai mare kɛ a mare-kɛɛ ŋi:

Nɛni-kula-surɔŋ a pɔri gaayɔɔ ɣala-kɔlɔ maa-kɔriɛ kɛi leŋ a nɛlɛɛ ŋɔnɛnii mɛni ma a kɛ nĩa-pɛlɛɛ fe diyeei?

Zukulai

8. Korai-toli-kpɔŋ Ɣala-kɔlɔ Maa-kɔriɛ

(Mini 30) bt gɔlɔ-ŋuŋ 13 ¶17-24