Ifii Fe Kpɛɛ Kpɔŋ Maa Tɛɛi Nua Pɔ

Mɛnii Pɔɔ E Gɛi

VILOI: Pɔɔ E Kanaŋ Ɣala-woo Ɓoi Ɛfesɛ

1. VILOI su kaa, kpaa Dikɛ-mɛni-ŋai 19:​8-10 lono. Gɛ ni mare-kɛɛ-ŋai ŋi sukula:

1. Pɔɔ e kɔ leŋ a gɛɛ e kpɔŋ maa tɛɛ diai kɛ ŋwɛlii di diwoli tɔɔi mai pɔ berei maŋ nua taŋa di tɔɔ la mai?

2. Tãi ɣɛɛlu ɓe Pɔɔ e gɛ, gɛ li polu a gɛɛ e sɛŋ lɛ nuai ŋi dia?

Le Ɓe Kwa Pɔri Maa-kɔrii Pɔɔ Yeei?

2. Maa nɛ̃ɛi ku kɔ ku tãi tamaa siɣe a gɛɛ ku lene-polu naa-kaa kɛ a nɛlɛɛ, ku Ɣala-kɔlɔ ŋaa-lɛɛ kɔɔ pilaŋ a nua.

Pɔɔ Pɔɔkɔɔŋ

3. Kɔ a gɛɛ I nuui naa kaa a tãi nɛlɛɛi mɛni mai. Ikpiŋ mare kɛ: ‘Mi tãi ɓe pai kɛi a nɛlɛɛ a gɛɛ ŋa li bɔ? Mi tãi ɓe pai kɛi a nɛlɛɛ mɛni ma da mi ɓe ŋa pɔri gaai naa a gɛɛ ŋa lono bɔ?’ Kɔ a gɛɛ I naa kaa a kɛ kpiŋ tãi fe lɛlɛ ni imɛni ma.

4. Mɛni-kpɛtɛɛ kɛ e pilaŋ tãi ma ya ŋwɛlii I pa la polui. Tãi kelee ka kpɛɛ lonoi, ka nyaa ka mɛni-kpɛtɛɛ kɛ e pilaŋ tãi ma ya pɔri ŋɔnɔ pai la polu bɔ. Kɔ a gɛɛ ikɛ naa a tãi ka pai nɛi.

5. Kili-kɛ-zu e kɛ iyeei. Ve kɛ ikili-ŋa a gɛɛ nuui nyii gaai kpanaŋɔɔi kpaa tii tamaa kaa mai fe ŋwɛlii e ŋoli tɔɔ. (1 Kl. 13:​4, 7) Kanaŋ kɔi a gɛɛ I nuui kaa, kɛɛ tii kɛ a itãi a tare pere.—1 Kl. 9:26.