¿Baibil kidika amput talamanh?
¿Ais kulta manh...
... sau muihni balna kulninna lâni yah?
... kisi balna yah?
... Papangh Yulni yah?
BAIBIL SUMALWI APUT
“Ulna balna bitik kidika laih Papang kaupak kalahna.” (2 Timoti 3:16, Papang Yulni, Sociedad Bíblica de Nicaragua.)
¿ADIKA SINSNI LÂNI KAUPAK AIS ILPNI DUMA?
Yulwi dakana nunuhni balna tanka walta yakma ki (Proverbios 2:1-5).
Mâ bani amput yamni yalahnin ma sumalwarang ki (Salmos 119:105).
Tamat yak tahanin yamni as duma ki (Roman 15:4).
¿BAIBIL SUWALWA KIDIKA RAHM PAH?
Rahm ki, tannika bâs pan laihta talah:
Baibil laih witing alas nining kauh yulwas ki. Kurih 1,600 pasyakat muih ahal 40 Baibil uhulna. Adika ulyang balna mahni kauh biri biri kal tatalwas dai. Kaunah, Baibil alas nining kauh yulwas ki, dawi kulna lâni aslah duwi.
Baibil ulyang balna yul barangni kat uhulna. Sau yulni bayakna ulyang balna kidika witingna ninisan yakaunah dutnina balna uhulwas dai. Kaunah, Baibil ulyang balna kalaih, witingna dawi ninisan dutnina balna kidika mamalwas dai, barangni yuyulna (2 Crónicas 36:15, 16; Salmos 51:1-4).
Prapit yulnina balna bayakwas ki ul kai kalahwi. Kurih 200 baisa kalahwas tanit kauh, Baibil yulna Babilon tawanni nuhni kidika dismukwarang dai (Isaías 13:17-22). Amput buknin dai kidika kamanah yulwas dai, kaunah wais yaklauwi dispamwarang dai bik ayangni pakna (Isaías 45:1-3).
Prapit yulnina balna ûk ûk sihm kaput bikisni kat kai kalahna, ampat yuyulna dai kaput. ¡Kât Papangh Yulni bahang! (2 Pita 1:21).
KULTA TALAH
¿Amput Baibil kidika masangkika yak ilp mai munnin sip yah?
Baibil nangnit lawa kalaih ISAÍAS 48:17, 18 dawi 2 TIMOTI 3:16, 17.