¿Matakit yakat sau adika amput karang yah?

BAIBIL SUMALWI APUT

“Papang kidika [...] witingna miniknawas kidika bitik uswi buhna karang, dawak daunin, kaidinin, dawak dalani bik dis karang; kat muhnilau kau di balna duwa dai kidika dis dana bahang.” (Ribilisan 21:3, 4, Papang Yulni, Sociedad Bíblica de Nicaragua.)

¿ADIKA SINSNI LÂNI KAUPAK AIS ILPNI DUMA?

Wark yamni as duma; alasna ma yamwarang ki (Isaías 65:21-23).

Danh kalmakundas awama, siknis as bik dis karang ki (Isaías 25:8; 33:24).

Wanaihma dawi parmana balna karak ban kaput alasna awama ki (Salmos 37:11, 29).

¿BAIBIL SUWALWA KIDIKA RAHM PAH?

Rahm ki, tannika bû pan laihta talah:

• Papangh parasni duwi pramis yulna adika yamna atnin. Baibil yakat Papangh yak manah “parasni bitik duyang” ayangni pakwi, kât witing di bitik yamnin sip ki (Ribilisan 15:3). Kaput bahang, witing adika sauni kau yaksihni yamwarang pramis yulna kidika rahm kulnin ki, witing sip awas dini as bik dis ki. Baibil yulwa kapat: “Papangh nining yakat laih di bitik kidika sip ki” (Matyu 19:26).

• Papangh dukih kalawi pramis yulna adika yamna atnin. Talna as, Baibil yulwi Papangh muih dadauna balna yak dulaukih kalawi (Job 14:14, 15, Traducción del Nuevo Mundo).

  Kaput bik, Baibil yulwi Disas kidika muih siknis balna diyamna. ¿Ais yulni kaput yamna yah? Kât, kaput yamnin dukih kalawa dai bahang (Mark 1:40, 41). Disas Papanghni laih muih miniknakunni balna yak ilp di munnin want ki, dawi Disas laih witing Papanghni yamwa kapat talwi yamwa dai (Jan 5:19).

  Kidika bahang, rahm kuldi Dihuba dawi witing walanibis Disas yaklauwi matakit kau sau akat maisinglak yalahnin want ki (Salmos 72:12-14; 145:16; 2 Pita 3:9).