Mang e Rayog ni Ngan Fil ko Thin rok Got?
Bay e thin u lan e Bible ni be tamilangnag e n’en nib m’agan’ Got ngay ni fan ngodad e ngiyal’ ney. Ku be fonownagdad u rogon ni nge fel’ rogon e yafos rodad nge rogon ni ngad fel’gad u wan’ Got. Maku be pi’ e fulweg ko pi deer ni baaray:
7 Mang e n’en ni be yog e Bible u murung’agen e ngiyal’ ney ni gad bay riy?
10 Mang e n’en ni be micheg e Bible ni fan ko gabul nge langlath?
16 Uw rogon nrayog ni ngam athamgil u fithik’ e pi magafan’ rom?
17 Uw rogon nrayog ni nge yib angin e thin ko Bible ngak girdien e tabinaw rom?
20 Uw rogon ni nge yib angin ngom e beeg Bible ni ga ma tay?
ROGON NI NGAN PIRIEG E PI VERSE KO BIBLE
Bay 66 e babyor u lan e Bible. Tin som’on e babyor ko Bible e aram e Pi Babyor nni Yoloy Nsom’on ni Thin ni Hebrew (“Bin Kakrom e M’ag”). Ma tin tomur e babyor e nni Yoloy Nsom’on ni Thin ni Greek (“Bin Beech e M’ag”). Kan kieg e pi babyor ney ke par ni guruy nge verse ni fan e nge mom ni ngan pirieg. Fapi thin nu Bible ni kan tay nga lan e re ke babyor ney, e bin som’on e namba riy e aram e guruy ma bin migid ngay e verse. Bod ni fare thin ko Genesis 1:1 e be yip’ fan e gin som’on yang e babyor nni yoloy ko guruy ni 1 ko verse 1.