Mang Wenegan ni Yib Ngorow ni Bochan e Ra Motoyilgow ngak Satan?

De fol Adam nge Efa rok Got ma aram mar m’ow. Genesis 3:6, 23

I motoyil Efa ko fare porchoyog ma aram me kay wom’engin fare ke gek’iy. Tomuren ni kay, me pi’ boch ngak Adam ngki kay.

Ba kireb e n’en ni kar rin’ew, ya kar denengow. Ma aram me chuwegrow Got u Paradis.

Ke mo’maw’ e par rorow nge pi fakrow. Ma aram mi yow pilibthir i yan mar m’ow. Da ranow ko gin ni ma par e kan riy; ya kar sulow ko but’.

Piin ni kar m’ad e kar sulod ko but’. Genesis 3:19

Gad ma yim’ ni bochan e kad bad rok Adam nge Efa. Piin ni kar m’ad e dabkiyog ni ngar guyed ban’en ara ra rung’aged ban’en.​—Eklesiastes 9:5, 10.

De lemnag Jehovah ni nge yim’ e girdi’. Ma dab ki n’uw nap’an ma bayi faseg e piin ni kar m’ad. Faan yad ra motoyil ngak, ma yad ra par ni manemus.