Uw Rogon e Par u Paradis?

Boor ban’en ni pi’ Jehovah ngak Adam nge Efa. Genesis 1:28

I sunmiy Jehovah e bin som’on e ppin ni aram Efa, me pi’ ngak Adam ni nge mang leengin.​—Genesis 2:21, 22.

I sunmiyrow Jehovah ni yow ba flont.

Tabinaw rorow fare milay’ nu Eden, ni aram bangi ban’en nrib fel’ yaan ni bay e lul’ riy, nge gek’iy ni yima kay wom’engin, nge gamanman.

I non Jehovah ngorow; me fil boor ban’en ngorow. Faan gomanga ra motoyilgow ngak, ma yow ra par u Paradis u fayleng ndariy n’umngin nap’an.

I yog Got ni bay taab ken e gek’iy ndab ni kay wom’engin. Genesis 2:16, 17

Immoy reb e engel rok Got ni chel nge togopuluw ngak. Re engel nib kireb nem e aram Satan ni Moonyan’.

I dag Jehovah ngak Adam nge Efa ba ke gek’iy ni bay ko ngi milay’ nem, me yog ngorow ni faan yow ra kay wom’engin ma yow ra yim’.

Dabun Satan ni nge fol Adam nge Efa rok Jehovah. Ere non ngak Efa u l’igin ba porchoyog, me yog ni faanra kay wom’engin fare ke gek’iy ma dabi yim’, ya ra bod Got. Machane, be ban.​—Genesis 3:1-5.