7. Bay E Fos Ko Yam’!

1 RA CHUWEG JEHOVAH E YAM’

“Bin th’abi tomur e toogor ni nge gel ngak e yam’.”​—1 Korinth 15:26

Uw rogon nra fal’eg e thin nu Bible lanin’dad u nap’an nra yim’ be’?

• 2 Korinth 1:3, 4

  Nap’an nra yim’ reb i girdien e tabinaw rodad ara reb e fager rodad nib chugur ngodad, ma rayog ni ngad lemnaged ni dakuriy bang nrayog ni ngad pirieged e ayuw riy. Machane, thin nu Bible e ra fal’eg lanin’dad.

• Isaiah 25:8; 26:19

  Bay gelngin Jehovah ni nge chuweg e yam’ ndariy n’umngin nap’an. Ku bay gelngin ni nge faseg e piin ni kar m’ad.

2 RAYOG NI NGE MICH E FOS KO YAM’ U WAN’DAD

“Fachi pin! Be lungug ngom, ‘mu suwon!’”​—Mark 5:41

Mang fan nrayog ni nge mich e fos ko yam’ u wan’dad?

• John 11:1-44

  Ke faseg Jesus Lazarus ko yam’.

• Mark 5:22-24, 35-42

  Ke faseg Jesus bochi pin ko yam’.

• John 11:41, 42

  I fanay Jesus gelngin Jehovah ni nge faseg e yam’.

• John 12:9-11

  Boor e girdi’ ni guy Jesus ni faseg e yam’. Mus ko pi toogor rok Jesus ni yad manang nrayog rok ni nge faseg e yam’.

3 RA FASEG JEHOVAH BOKUM BILYON E GIRDI’ NI KAR M’AD

“Bay mu pong, mu gu fulweg, ma bay gu fel’ u wan’um, i gag e en ni mu sunmiyeg.”​—Job 14:13-15, BT

Mini’ e piin ni yira fasegrad ko yam’?

• John 5:28, 29

  Ra faseg Jehovah e piin ni kar m’ad ni yad bay u laniyan’.

• Acts 24:15

  Yira faseg e piin nib mat’aw nge piin nde mat’aw.

• Isaiah 40:26

  Manang Jehovah fithingan gubin e t’uf u lan e lang, ere dabi pagtalin gubin ban’en u murung’agen e piin nra fasegrad ko yam’.

4 BAY BOCH E GIRDI’ NI YIRA FASEGRAD KO YAM’ MA RANOD NGA THARMIY

“Nggu wan gu ngongliy tagil’med.”​—John 14:2

Mini’ e piin ni yira fasegrad ko yam’ ma ranod nga tharmiy?

• 1 Korinth 15:42-50

  Jesus e ir e en som’on nni faseg ko yam’ me yan nga tharmiy.

• Luke 12:32

  I yog Jesus ni kemus nri in i gachalpen e yira fasegrad ko yam’ ma ranod nga tharmiy.

• Revelation 14:1

  144,000 e girdi’ ni ke mel’egrad Jehovah ni nga ranod nga tharmiy.