8. Mang E Gil’ilungun Got?

1 GIL’ILUNGUN GOT E REB E AM NRIYUL’ NI BA’

“Ma ga par ni gur e ga be gagiyegnagmad, min rin’ e tin nib m’agan’um ngay u roy u but’ ni bod rogon ni yibe rin’ u tharmiy.”​—Matthew 6:9-13

Mang e Gil’ilungun Got?

• Revelation 11:15

  Ra par Gil’ilungun Got u tharmiy me gagiyegnag e fayleng ni ga’ngin.

• 1 Timothy 6:15

  Jesus e ir e Pilung u Gil’ilungun Got.

• Revelation 14:1, 4

  144,000 e girdi’ ni yad ra un ngak Jesus ko gagiyeg u tharmiy.

• Hebrews 4:15; 5:8

  Manang Jesus nge fare 144,000 rogon lanin’dad nge magawon ni gad ma yan u fithik’.

2 JESUS E IR E EN TH’ABI FEL’ NI NGE GAGIYEGNAGDAD

“Ra pithig e oloboch rok e piin ni gafgow nrogon.”​—Isaiah 11:4

Mang fan ni Jesus e ir e en th’abi fel’ ni nge mang Pilung u Gil’ilungun Got?

• 1 Timothy 6:16

  Gubin e girdi’ ni yad ma gagiyeg e ra munmun mar m’ad, machane Jesus e dariy biid nra yim’. Gubin ban’en nra rin’ ni fan ngodad e ra par angin ni manemus.

• Isaiah 11:2-4

  Rayog rok Jesus ni nge rin’ boor ban’en nib fel’ ndabiyog ni nge rin’ e piin ni yad ma gagiyeg, maku ba gel gelngin ngorad ni yad gubin. Mmat’aw gubin ban’en ni ma rin’, maku ma runguyey.

3 RA LEBGUY GIL’ILUNGUN GOT E N’EN NIB M’AGAN’ GOT NGAY

“Bayi sunumeg Got nu tharmiy reb e gagiyeg ndariy e rofen nra mus.”​—Daniel 2:44

Mang reb e ban’en ni ke yag ni nge rin’ Gil’ilungun Got? Mang e ra rin’ boch nga m’on?

• Revelation 12:7-12

  Tomuren ni Pilung Jesus ko duw ni 1914, me yon’ Satan u tharmiy nga fayleng. Aram fan ni kari yoor e magawon, nge amith, nge gafgow u fayleng.

• Eklesiastes 8:9; Revelation 16:16

  Nap’an e Armageddon ma ra thang Gil’ilungun Got gubin e am ko girdi’ nib kireb.

• Psalm 37:10

  Piin ndab ra talgad i rin’ e kireb e goo yira thangrad.

• Revelation 22:1-3

  Nap’an nra gagiyegnag Gil’ilungun Got e fayleng, ma ra chuw e m’ar nge yam’, ma gubin e girdi’ ni yad ra pining e sorok nga fithingan Got.