Ra Taw Nga Ba Ngiyal’ Ndab Kuuda Guyed E Pi N’en Ney?

DEMTRUG e gin ni gad ra sap ngay ko ngiyal’ ney ma gad ma guy yaan e magawon u thilin e girdi’, nge cham, nge mahl. Ma gathi fan e re ke magazine ney e ngki weliy boch ban’en nib kireb ni be buch ni goo gamanang. Ya re ke babyor ney e ra tamilangnagan’um ko l’agruw ban’en ni ra fl’eg lanin’um. Bin som’on ma ra tamilangnag ni pi thin ko profet ni bay ko Bible e ke yiiynag e pi n’en nib kireb ni be buch ko ngiyal’ ney; ma bin l’agruw ma re ke babyor nem ko thin ko profet e be yiiynag u morngaagen ba ngiyal’ nga m’on ni dabkun guy yaan boch ban’en ni bod e re sasing ney. Dab kun mahl. Ma dabkun pag e donmach, ma dakuriy e piin ni sniper, ma dakuriy e land mines, ara terrorism. Ma dakuriy e bitir ni dariy e gallabthir rorad, ara girdi’ ni kan tuluf ko binaw rorad. Ya ra moy e fayleng ni bay e bin riyul’ e gapas riy. Ga ba adag ni ngam guy ba ngiyal’ ni aram rogon fa? Gamad ma piningem ni ngam fil e n’en ni yog e Bible u morngaagen e re n’ey. Ya ra fl’eg lanin’um u rogon ndam lemnag nrayog.