Pi Sign Ara Pow Ko Kanawo’ Ko Yafas

FAAN MANG e ga be milekag u daken reb e wo’ ni dawor mu un riy biid, ma ga ra lemnag ni pi sign ara pow ni ba’ riy e be magawonnagem fa? Ri danga’! Dabi siy ni ga ra lemnag ni aram e ayuw nge ayuwegem nge siy mpalog nga orel ko gin ni ga be sor iyan ngay.

Machane uw rogon e kanawo’ ko yafas? Rayog ni ngan yan riy ndariy boch e sign ara pow fa? Reb e profet rok Got nkakrom e ke yog ni dabiyog e re n’em ko girdi’. I gaar: “O SOMOL, gu manang ni kanawoen e girdi’ e gathi ir e ke turguy; ma dariy rogon ngak ni nge dugliy e kanawo’ rok.”​—Jeremiah 10:23, The New English Bible.

Ere u uw e rayog ni ngan pat ko ayuw nib t’uf ni ngan yan ko re kanawo’ nem? An Tasunmiydad e ir e rayog ni ngan taga’ nga daken ma ke pi’ e n’en nib t’uf u lan e Bible. U daken e Thin Rok e yog riy ni gaar: “Ga ra tay telim ngam rung’ag e thin u tomur rom ni be gaar: ‘Ereray e kanawo’. Mmarod riy, gimed e girdi’,’ ri chey mi gimed sor nga baan ni mat’aw ara baan ni gilay’.”​—Isaiah 30:21.

Arrogon, Thin Rok Got e ma pow’iydad ko urngin ban’en ko yafas. (Isaiah 48:17; 2 Timothy 3:16, 17) Machane bay e kireban’ riy ya baga’ ni be yan e girdi’ ko kanawo’ ni dariy e ayuw rok Got riy. (Matthew 7:13) Machane ka bay e pi sign ara pow nem ni kan tay nib mudugil! Ga ra fol riy u nap’an ni ga be yan ko kanawo’ ko yafas fa?