T’ufeg Ku Be’ ni Kab Gel ko T’ufeg Rok Ba Matin

U LAN E SUBWAY station, ara u kolosis, ara kanawo’ ni bay boor e girdi’ riy, ma be n’ag e pi matin pi fakrad ni kab madway. Yu ngiyal’ e ma pirieg girdien e maruwel ni yad ma kunuy e dow e bitir ni ke magaf ko yor u lan tafen e dow. Be weliy e O Estado de S. Paulo ni “be yoor iyan e bitir ni yibe n’ag u kanawo’.” Dabi siy nra k’alngan’ e chitiningin ko tomur riy. Machane, ma rin’ ni yugu aram rogon nra yim’ fre bitir.

Sana ga ra lemnag, ‘Uw rogon nrayog ni nge lemnag ba matin ni nge n’ag e bitir rok ndawori nang rogon e par rok nga m’on? Be weliy e Bible boch e thin u murung’agen e magawon ni aram rogon ni fan ni nge tamilangnag nib math keru’ e lem rok e Ani Sunmegdad ko lem rodad: “Gur rayog rok be’ ni ppin ni nge pag talin fak ni kabran ma dabi t’uf rok e re tir nem ni ir e gargeleg? Gomang ra pag be’ ni ppin talin fak, machane gag e dab gu pag talimed.”​—Isaiah 49:15.

Kab gel ku reb e matin, ma ma t’ufegdad Got ma ma dag ni baadag ni nge ayuwegdad ko tin nib t’uf rodad. Demtrug ni gur be’ ni fel’ yangarem ara piilal, ma demtrug e magawon ni bay rom, ma bay be’ nra ayuwegem. Ba adag e Ani Sunmegem ni nge ayuwegem ma ba adag ni ngam par nib fel’ rogon. Be weliy fa en ni yoloy e psalm ni “mus nra chuw rog e en ni chitamag nge chitinag, ma ra ayuwegeg Jehovah.”​—Psalm 27:10, New World Translation.

Yibe ngongliy e Watchtower magazine u fayleng iyan ni fan ni nge tamilangnag murung’agen e “bin riyul’ e Got” ni Jehovah, nge Fak ni Jesus Kristus, ma ra yog e yafos ni manemus ngak e piin ni ma tay fan e re tamilang ney.​—John 17:3.