“Nap’an ni Kugu Wan nga Kingdom Hall”

I Laura,a ni reb e college student, e kan nog ngak ni nge un ko muulung u reb e teliw me yoloy boch nga babyor murung’agen e n’en ni ke guy. Ke mel’eg e teliw ko Pi Mich rok Jehovah, me ta’ e kenggin ko fare babyor ni ke yoloy ni “Nap’an ni kugu wan nga Kingdom Hall.” Mang e n’en nib thil ni ke pirieg guy Laura ko Pi Mich rok Jehovah? Boor ban’en ni weliy ma ba muun ngay e pi n’en ni kan yoloy nga but’.

Pi bitir: “Urngin e bitir e kar uned ko piin ni kar ilalgad ni ngar pared u taabang u lan taab singgil. Nap’an ni kug un ko muulung u yugu boch e galesiya, ma pi bitir e kara digeyed e pi gallabthir rorad ma ra uned ko muulung ni kan nog e Sunday School ngay.”

Yad ba taareb ni yug demtrug be’ u kun nam: “Pi galesiya e ba mudugil e piin yad ma pingeg nib ga’ ni piin taareb rogon e nam rorad nge raen dowrad. . . . Machane, Pi Mich rok Jehovah e yad be par nga but u taabang ma dan ruwraba’nag e girdi’.”

Bay e falfalan’ rorad ko girdi’ ni ke yib: “Boor e girdi ni ke yib ni nggu nongad. . . . Boch i yad e kara fithed gag ko bay be’ ni ma fil e Bible ngog. Machane, dagur lemnag ni kar towasariyed gag. Kar paged gag ni nggu dugliy . . . ban’en.”

Danir ma ning e salpiy: “Ma ban’en ni riyul’ ni kug gin ngay e aram e dariy be’ ni be ning e ayuw. . . . Boch e galesiya ni kugu wan ni nggu un ko muulung rorad e mus ko fare muulung ni fan ko bitir ma bay be’ ni be ning e ayuw ko salpiy ngorad.”

Ke chuchugur ko 90,000 e pi ulung ko Pi Mich rok Jehovah u ga’ngin e fayleng. Mang fan ni dab man ni ngam guy reb nib chuchugur ngom?

[Footnote]