“Bay Ugu Wan Nga Ugu Liyeg e Altar Rom, O Jehovah”

“NGA GU lukuy paag ko n’en nib machalbog, mu gu wan nga ugu liyeg e altar rom, O Jehovah.” (Psalm 26:6, New World Translation) Aray e n’en ni yog David ni pilung ni kakrom ni be yog rogon e liyor ni nga i tay ngak Jehovah. Mang fan, “ni ngi i liyeg” e altar rok Jehovah, nge mang tapgin?

Ya rogon u wan’ David, e tagil’ e liyor ku Jehovah e fare tabernacle ni ba’ fare altar riy nib koper-opungen ni ir e yima pi’ e maligach u daken, nap’an e ngiyal’ ni i gagiyeg ma i moy e re tabernacle nem u Gibeon, ni ba’ nga lel’uch u Jerusalem. (1 Kings 3:4) Re altar nem e gonapan medlip e fit n’umngin, ma medlip e fit radan, rib gel e achig riy ko fa binem e altar ni fin un toy nib pag fane fel’ ma baga’ u lan fare yoror ni kan rungrunguy ko tempel rok Solomon.a Ma yugu aram rogon, me David e pirieg e falfalan’ nib ga’ ko chi tabernacle nem nge altar riy, ni aram tagil’ e liyor nib machalbog nu Israel.​—Psalm 26:8.

Maligach ni kan urfiy, nge maligach ni komunion, nge maligach ko denen e uni ngongoliy u daken fare altar, nge maligach ni biyul ni Taab Yay u reb e duw ni ba mudugil ni maligach ni yima pi’ riy ni fan ko nam. Fare altar nge pi maligach riy e bay rogon ko pi Kristiano ni chiney. Apostal Paul e weliy ni gaar, fare altar e be dag yaan e n’en nib magan’ Got ngay, ni bod rogon ni ke magan’ nga ba maligach nib mat’aw ni nge biyuliy e girdi’. I Paul e gaar: “Bochan e ‘rin’’ Kristus e tin ni ba adag ni nge rin’, ma aram fan ni gadad gubin ni kan chuweg e denen rodad kad biechgad ni bochan fare maligach ni pi’ ni aram downgin , nri taab yay ma aram e ke mus.”​—Hebrews 10:5-10.

Nap’an ni radeg ni ngan pigpig u altar, ma pi prist e ba mecham ngorad ni yad ma luknag pa’rad ko ran ni bochan ni ngar biechgad. Ere ku ba puluw, ni David ni Pilung e lukuy pa’ “nga fithik’ e n’en ni nge machalbognag ir” u m’on ni nge ‘yan nga i liyeg fare altar.’ I ngongol u “fithik e yul’yul’ u gum’ercha’en ma ba yal’uw.” (1 Kings 9:4) Faan manga de luknag pa’ ni aray rogon, ma liyor rok​—ni nge yan i ‘liyeg f’re altar’—​e dabi fel’ u wan’ Got. Ba mudugil, ni David e gathi ba Levite ma dariy mat’awun ni nga i fal’eg e maruwel ko prist u altar. Yugu ba pilung, ma dab ni pag nga lan fare yoror ko tabernacle ni kan rungrunguy. Ma ka be par, bod be’ nu Israelite nib yul’yul’, ma ma fol ko pi motochiyel ku Moses ma yu gu ma fek e maligach rok i yib ni ngan pi’ u daken fare altar. Fare yan ni nge i liyeg fare altar e fan e re n’en ney e bochan ni ke dugliy e yafas rok nga daken e liyor ni ba machalbog.

Rayog rodad ko ngiyal’ ney ni ngad leked ngongolen David? Rayog. Ku rayog rodad ni ngad lukniged pa’dad ko tin nib machalbog ma gad yan nga udi liyeged e altar rok Got ni faan gad ra maruweliy e michan’ rodad nge mich u wan’dad e maligach ni tay Jesus, ‘ma gad par ni gad ba machalbog ma ba machalbog pa’dad nge gum’ercha’dad,’ ma gadad pigpig ku Jehovah u polo’ i gum’ercha’dad.​—Psalm 24:4.

[Footnote]

[Picture on page 19]

Fare altar e be yip’ fan e n’en nib m’agan’ Jehovah ngay, ni aram e ra m’agan’ nga ba maligach nib puluw ni rayog ni nge biyuliy e girdi’