Yad Ma Fanay e Ngachal rok Got Aray Nga Central Africa

BOOR e girdi’ u Central Africa nib michan’rad ngak Got. Der maruwaran’rad ni ir e Ani Sunmiy urngin ban’en. (Revelation 4:11) Ni ku taareb rogon ngak boch e girdi’ u bayang ngu bayang, yugu aram rogon, ma baga’ nib m’ay fan u wan’rad e re ngachal rok nem ni​—Jehovah.

Girdi’ u rom u Central Africa, nge ku yuyang u fayleng, e yad ma yog fithingan Got ko ngiyal’ ni yad ma fek fare meybil rok Somol ni gaar, “Ngan mathengeluwolnag fithingam”. (Matthew 6:9, King James Version) Machane ke n’uw nap’an, ni ba lich e girdi’ ni manang e re ngachal nem. Machane, ke yoor e duw, ma fare maruwel ko machib nib pasig ni be ta’ e Pi Mich rok Jehovah e ke thiliyeg rogon e girdi’ u rogon ni ngar fanayed e re ngachal rok Got nem. Chiney, ma re ngachal rok Got nem e ke ga’ ni goo kan nang ma kan fanay u boor e thin nu Africa, ni bod e thin ni Zulu e (uJehova), ma thin nu Yoruba e (Jehofah), ma yu Xhosa e (uYehova) nge yu Swahili e (Yehova). Machane, ka boor ken e Bible ko pi thin ney ni ku der fanay e re ngachal rok Got nem.

Ba’ baken e Bible nib fel’ ya kan piliyeg ni yibe fanay e re ngachal rok Got nem riy e Bible nu Zande, u reb e thin ni yima fanay u Central African Republic, Sudan, nge Democratic Republic of Congo. Gin’em u fayleng e girdi’ riy, e ma fanay fithingan Got, ni yad ma yoloy ni Yekova ko birorad e thin. Yugu demtrug rogon ni yima yoloy fare ngachal u reb e thin, ma rib ga’ fan ni nga un fanay. Mang fan? Ya “urngin e piin ni yad ra pining fithingan Jehovah e yira ayuwegrad.”​—Romans 10:13, NW.

[Map/​Picture on page 31]

(For fully formatted text, see publication)

SUDAN

CENTRAL AFRICAN REPUBLIC

DEMOCRATIC REPUBLIC OF CONGO

[Credit Line]

The Complete Encyclopedia of Illustration/​J. G. Heck