Report Ko Piin Ma Wereg E Machib Ko Gil’ilungun Got
Nge Taw ko Piin nib Mo’maw’ ni Nge Taw Ngorad
PI MICH ROK JEHOVAH e yad be athamgil nib gel ni nge yog ni ngar mada’gad ngak urngin e girdi’ ni rayog rorad nga rogned ngorad e thin ko fare Gil’ilungun. Yu ngiyal’, ma ba gel e maruwel ni yira tay ni bochan ni ngan mada’nag e piin gathir yad ma par u tabinaw. (Mark 13:10) Bochan e re n’eney, ma reb e special pioneer ni ma machib u reb e binaw u len Yimuch u Meriken e weliy e n’en ni buch rok.
“I gaar, reb e rran ma gu wan gu nang ni fare state governor e ra yib ko re gi n’en baaram ni kan ta’ ni gamow e ppin rog e nga gu machibgow riy. Ma bochan ni ir reb e tini baga’ ni der ma moy u tabinaw rok, mu gu yoloy bangi babyor nga gu pi’ ngak mu gu uneg ngay yu ken e babyor ni bay e thin nu Bible riy, ni ba muun ngay e Mang e Ba T’uf ni Ngad Rin’ed ku Got? nge fare ke babyor Mankind’s Search for God nge Knowledge That Leads to Everlasting Life. Re ngi babyor rog nem e be weliy fan e yuke babyor nem.
“Ma bochan ni gu baadag ni nga gu nang ko mang e ra rin’ u nap’an ni ra poy e yu ke babyor nem, ma aram mu gu wenignag ngak ni nga gu mada’gow. Boch e wik nga tomuren me pag nga gu mada’gow, mu gu fek fare video ni Jehovah’s Witnesses—The Organization Behind the Name. Re mada’ nem e gonapan l’agruw e awa n’umngin nap’an. Tomuren ni kugu guyew governor fare video, mu gu fith ko mang e be lemnag. Me fulweg ni gaar: ‘Dariy reb e ulung u fayleng ni bod biromed e ulung. Gu be athapeg ni ma nga bay e girdi’ rog ni bod gimed ni rayog ni nge ayuwegeg nga gu mu’nag e maruwel rog ko am!’ Ma aram me fitheg ko kaagu un ko tochuch ko ulung rodad fa. Mu gog ngak ni yugu aram rogon ni aram e athap rog ni ka nap’an ni 14 e duw rog, maku daworiyog ni nga gu un ko tochuch rodad u fayleng ni ba’ u Brooklyn, New York. Reb fapi athap eram nib mo’maw ni ngan taw ngay. Miri fal’eg i yaliyeg nib sun’un’uw nap’an. Ma aram me gaar e baadag ni nge yog ni gu un ngaram ma aram me pi’ e ayuw ngan fal’eg babyoren e chur romow nge yog ni guwarow me pi’ puluwon e sikoki romow ni ba taw’ath!
“Re governor nem e chiney e ma yib e Watchtower nge Awake! magazines ngak. Gamow be athapeg ni ma nga yigi dabi n’uw nap’an me yog ni gu tababnaged e fol Bible.”