“Bayda Mada’gad u Lan e Birok Got e Gagiyeg”
“Fager rog nib t’uf rog! ni Rupert, daba’ e kan turguy ni ngan li’eg nga gum’. Dabi kireban’um ngog. Kugu pi’ e t’ufeg rog ngom nge ngak urngin e girdi’ u tabinaw. Baygu guymed u lan e birok Got e Gagiyeg.”
NAP’AN e June 8, 1942, me yoloy Franc Drozg e pi thin ney in i minit u m’on ni nge boyochnag e salthaw ko Nazi nge yim’. Mang fan ni ngan li’ ngem’?
Rogon ni ba’ ko babyor u lan fare Museum of National Liberation in Maribor, Slovenia, e cha’ ney ni 38-e-duw rok ni be’ ni ma pirdiiy e wasey nga i fal’eg boch ban’en riy e siyeg ni nge un ko fare Wehrmannschaft, baraba’ i salthaw rok yu Chiyamen ko gin baaram ni be par yu Chiyamen riy u Slovenia. I ir reb e Bibelforscher, ara piin ni yad ma fol Bible ni aram rogon ni yimnang, e Pi Mich rok Jehovah ko re gi nam nem. I ngongol nib puluw ko Isaiah 2:4, ni dabi pi’ e ayuw ko ngongol ko mahl ko Nazi, me yog ir ni ir be’ ko gagiyeg rok Got.—Matthew 6:33.
U lan e binaw rok u Ptuj, Franc e yi manang riy ni ba pasig i wereg fare thin nib fel’ ni murung’agen Gil’ilungun Got. (Matthew 24:14) Demtrug gelngin e gafgow ni i tay, ma de tal nge ni taw ko ngiyal’ ni kan kol ko May 1942.
Boor e Pi Mich rok Jehovah ni piyu Slovenia ni rib gel e gafgow ni i tay e Nazi ngorad. Franc e ir bagayad e tin som’mon nni li’ ngem’ ni ba buch e rok ni bochan e teliw. Taareb rogon ko Kristiano ko-bin som’mon e chibog, i athamgil laniyan’ ni fan fapi thin ni gaar: “Thingar danod nga lan Gil’ilungun Got u fithik’ boor e gafgow.” (Acts 14:22, New World Translation) Michan’ rok ko re am nu tharmiy nem nib riyul’ e gagiyel ko tin tomur e thin rok ni gaar, “Baygu guymed u lan e gagiyeg rok Got.”
[Picture Credit Lines on page 30]
Franc Drozg: Photo Archive-Museum of National Liberation Maribor, Slovenia; letter: Original kept in Museum of National Liberation Maribor, Slovenia