Kan Gothey Fare Fayleng Nib Polo’!

Am sap nga fayleng ni be liyegem, ni bay e pi mach riy, nge skul, nge tin ni ke m’ay i rin’ girdien e science, nge bokum bilyon e girdi’. Ri rayog ni nga mog nra par ndariy n’umngin nap’an, arrogon fa? Gur ga be lemnag ni reb e rran ma ra m’ay re fayleng ney ni polo’? Sana mo’maw’ ni ngan susunnag ni aram rogon. Machane, ga manang ni rogon ni yog reb e babyor ni yima pagan’ ngay, ni immoy reb e fayleng kakrom ni ke sum nib m’on ko re fayleng ney min gothey ni polo’?

GAMAD be weliy gathi murung’agen e fayleng ni fapi ganong kakrom e ur pired riy. Fare fayleng ni ke m’ay e ir e fayleng ni ke mon’og, ni bay e pi mach riy, ma bay ban’en nib fel’ ni kan rin’, nge bay e tamilangan’ ko science. Machane, thin nu Bible e be yog ngodad ni nap’an e bin 17 e rran ko fa bin l’agruw e pul, ni 352 e duw u m’on nni gargeleg Abraham ni patriarch, me yib nib tomgin fare ran ni boor me fek fare fayleng ni polo’ nga bayang.a

Gur ba puluw e re chep nem? Riyul’ ni ke buch e n’en ni aram rogon fa? Riyul’ ni immoy e fayleng kakrom nib m’on ko re fayleng ney me mon’og nge mu’ kan thang? Faanra riyul’ ni aram rogon ma wuin ni ke m’ay? Mang magawon ni ke yib? Bochan kan thang e re n’em ma bay ban’en riy ni ra fil ngodad?

Fare Fayleng Kakrom e Riyul’ ni Kan Thang?

Faanra riyul’ ni keb e buch waathan ni aram rogon, ma aram e n’en ni ri mo’maw’ ni ngan pagtalin. Ma arfan, ni boor e nam ni bay boch e puguran riy ko re buch waathan nem ni keb. Ni bod ni, ngam mu lemnag, e rran nrib puluw ni kan yoloy nga lan fare Bible. Fa bin l’agruw e pul ko fare calindar kakrom e ra aw ko lukngun ko pul ni chiney e yima yog e October ngay nge mada’ ko lukngun ko fare pul ni November. Ere rran ni bin 17 e rayog ni nge aw ko fa bin som’mon e rran ko November. Ere, gathi ban’en ni dan lemnag e tin ni baaray ni fare madenom ni fan ko piin ni kar m’ad e yima madenomnag ko re rran ney u gubin e duw.

Yugu boch e mich ko fare Rran ni tharey e fayleng e ka bay ko fapi chep ni ma yog e girdi’. Ke chuchugur ni urngin e girdi’ e bay e chep ni gallabthir ko llabthir rorad ey kara magaygad nib fas u nap’an ni kan tharey e fayleng ko ran ni polo’. Piin ni Pygmies u Africa, nge piin ni Celt u Europe, nge piin ni Inca u South America—e yad urngin e bay e chep rorad u murung’agen ni urngin e ba taareb rogon, ku arrogon e girdi’ nu Alaska, nge Australia, nge China, nge India, nge Lithuania, nge Mexico, nge Micronesia, nge New Zealand, nge boch e binaw ni bang ko North America, ra ngan weliy boch riy.

Riyul’, ni tomren ni ke yan e tayim ma re chep ney e kan uneg boch ban’en ngay, machane urngin e pi n’en nem e bay boch e thin riy’ ni be dag ni tabolngin e taareb: I damumuw Got nbochan e kireb ni ke rin’ e girdi’. I l’og e ran ni boor nge tharey e fayleng. Kan thang e girdi’ ni urngin. Machane ke mus ni buchuw e girdi’ nib mat’aw e kara magaygad nib fas. Kara toyed reb e arke nbochan e re n’en ney ma immoy boch e girdi’ nge gamanman ni kara magaygad nib fas. Munmun, kan l’og boch e arche ni ngar gayed e binaw ndakuriy e ran riy. Ma tomur riy, me par fare arke u daken reb e burey. Nap’an ni girdi’ ni kara magaygad nib fas e ka ranod nga wen, ma ur pied reb e maligach.

Mang e be dag e re n’en ney? Tin ni baaray ni urngin e girdi’ e ma yog murung’agen e chep ni taareb fan e gathi ban’en ni yigi i sum. Urngin e chep ko girdi’ u murung’agen e be gelnag fare thin nu Bible ni be weliy ni urngin e girdi’ e kar bad ko girdi’ ni kara magaygad nib fas u nap’an ni keb e ran nge tharey e fayleng. Ma arfan, ni de t’uf ni ngada pagedan’dad ko chep ara yat ni fan ni ngada nanged ko mang e n’en ni ke buch. Bay e thin ni kan chaariy nib fel’rogon u lan fare Hebrew Scriptures u Bible.—Genesis, chapters 6-8.

Fare Bible e bay e thin riy u murung’agen tabolngin e yafas ni kan thagthagnag. Machane, bay e mich riy ni be dag ni kab fel’ e re n’ey ko thin ni be weliy murung’agen e n’en ni ke buch. Yiiy ni bay riy ni dabi aw nib m’ay fan e tamilangan’ nib toar e be micheg ni riyul’ e n’en ni be yog ni aram e—thin rok Got ni fan ko girdi’. De taab rogon ko yat, ma fare Bible e be weliy murung’agen fithingan nge rran maku be weliy murung’agen fapi llabthir rorad ni reb nge reb mab tamilang. Ma be weliy ngodad ko uw rogon e yafas u nap’an ndawori yib fare Ran nge tharey e fayleng ma be dag ko mang fan ni ke chuw fare fayleng ni polo’ nib tomgin.

[Footnote]

[Chart on page 4]

(For fully formatted text, see publication)

Flood Legends Worldwide

Country Correspondencies 1 2 3 4 5 6 7 8 9 10

Greece 7 ◆ ◆ ◆ ◆ ◆ ◆ ◆

Rome 6 ◆ ◆ ◆ ◆ ◆ ◆

Lithuania 6 ◆ ◆ ◆ ◆ ◆ ◆

Assyria 9 ◆ ◆ ◆ ◆ ◆ ◆ ◆ ◆ ◆

Tanzania 7 ◆ ◆ ◆ ◆ ◆ ◆ ◆

India - Hindu 6 ◆ ◆ ◆ ◆ ◆ ◆

New Zealand - Maori 5 ◆ ◆ ◆ ◆ ◆

Micronesia 7 ◆ ◆ ◆ ◆ ◆ ◆ ◆

Washington U.S.A. - Yakima 7 ◆ ◆ ◆ ◆ ◆ ◆ ◆

Mississippi U.S.A. - Choctaw 7 ◆ ◆ ◆ ◆ ◆ ◆ ◆

Mexico - Michoacan 5 ◆ ◆ ◆ ◆ ◆

South America - Quechua 4 ◆ ◆ ◆ ◆

Bolivia - Chiriguano 5 ◆ ◆ ◆ ◆ ◆

Guyana - Arawak 6 ◆ ◆ ◆ ◆ ◆ ◆

1: God angered by wickedness

2: Destruction by a flood

3: Ordered by God

4: Divine warning given

5: Few of mankind survive

6: Saved in a vessel

7: Animals saved

8: Bird or other creature sent out

9: Finally comes to rest on a mountain

10: Sacrifice offered