Ngan Dugliy E N’en Ngan Rin’ E Ba Magawon Ndabiyog i Pilo’ Riy
“DARIY BAN’EN ni kab gel e mo’maw’ riy, ma aram fan ri kab ga’ fan ni ngan nang rogon ni ngan dugliy ban’en, aray e n’en ni yog Napoleon Bonaparte, ni emperor nu France ko bin 19 e chibog. Rayog ni nge taareban’um ko gal n’eney ni l’agruw, ni bochan ni girdi’ e baga’ ni yad baadag ni yad e ngaur gagiyegnaged e yafas rorad. Maku arrogon, ni kar nanged ni ngan turguy ban’en e yu ngiyal’ ma ri kub mo’maw’.
Demtrug ko ba mom fa ba mo’maw’, ma ngan turguy ban’en e dabiyog ni ngan pilo’ riy. Gad ma pirieg ni gubin e rran. Tomuren ni kad odgad ni kadbul, ma thingarda dugliyed ko mang mad e nga don’ed, ma ma nge ngan kay ni kadbul, nge rogon ni ngan rin’ boch ban’en ko rorran nem. Boor ko pi n’en ni ngan dugliy ney e gathi rib ga’ fan. Gathi ri maga’ i lemnag rodad. Pi n’en ni ni gad ma dugliy ni gathi rib ga’ fan e gathi gubin ngiyal’ ni dabiyog ni ngad molod nib fel rogon ni bochan ni gad be lemnag ko ba puluw e tin kad dugliyed fa danga’.
Maku reb, e boch e pi n’en ni kan dugliy nem e baga’ angin. Boor e girdi’ ni fel’ yangaren e chiney u fayleng e thingarra dugliyed ko mang e mit i maruwel ni ngar rin’ed. Rayog ni ngar dugliyed ko ba mit i mang skul e ngar leked ma uw rogon tolngin. Munmun ma oren i yad e bayi dugliy ko nge mabgol fa nge par nib muchugbil. Pi e rorad ni ke mel’eg e mabgol e thingari dugliy ni nge gaar: ‘Gur ke taw nga yangareg ma kug ilal ma rayog nni pagfan ban’en ngog ni nga gu un ko mabgol? Mit ni ngan e girdi’ e gu baadag, ara bin kab ga’ fan, e mit ni ngan e girdi’ e ba t’uf ni nga gu pirew nga ugu puruygow? Rogon ni gadad ma dugliy i mel’eg e ani mabgol rodad e rib ga’ angin ko yafas rodad.
Pi n’en rib ga’ fan, e rib ga’ fan ni ngan dugliy rogon u fithik’ e gonop, ni bochan ni falfalan’ rodad e be yan u rogon e n’en kad dugliyed. Boch e girdi’ e bayi n’en mar lemnaged ni rayog rorad ni ngar turguyed e tinib puluw ma rayog ni ngar siyeged e ayuw ni yi rayog ni ngan pi’ ngorad. Ba fel’ e re n’em? Ngada guyed.
[Picture Credit Line on page 3]
Napoleon: Yib ko fare ke babyor ni The Pictorial History of the World