Mini’ E Ra Duruw’iy E Girdi’ Nu Fayleng?

REB e ulung ko United Nations ni yima pining e World Food Programme ngay ni ma maruwel ni fan e nge dabi yib e mak’iy ngak e girdi’ e ma gonopiy ni bay 800 million e girdi’​—ni baga’ ni yad e piin ni bitir—​ni yad be yim’ ko mak’iy. Be yog e re ulung nem ni pi nam nib fel’ rogon e dakur pied e ayuw ni bochan e bay boch e magawon rorad ni bod e terrorism. Ke ubchiya’ e magawon rok e piin ni yad be yim’ ko mak’iy ni bochan e be garer e liliy. Reb e babyor ko fare ulung ko United Nations ni Global School Feeding Report e ke weliy morngaagen e pi nam nu Africa ni boor e m’ar ni AIDS riy ni gaar: “Be yim’ e pi gallabthir ko reb e mfen. Ke magay e bitir ni thingar ra ayuweged yad, ma dar nanged rogon ni ngar milay’gad ara ngar maruwelgad ya pi salap ney e ma af u reb e mfen nga reb.”

Fare World Food Programme e be maruwel ya ngan pi’ e ggan ngak e pi bitir ni taa biyay ko yu rran u skul. Yi ba adag ni nge lich e girdi’ ni be yim’ ko mak’iy ma ku yi ba adag ni ngan skulnag e bitir ni nge dabi af e HIV/AIDS ngorad.

Ke tabab e re ayuw ney u boch e binaw ma kan ayuweg e bitir kan pi’ e ggan ngorad, ma kan skulnagrad u rogon ni nge fel’ rogon fithik’ i dowef rorad, ma kan ayuwegrad u yugu boch e kanawo’. Ma kar pirieged ni faanra thil e ngongol ko girdi’ ma ke lich iyan e m’ar ni HIV/AIDS.

Ba gafgow ya de gaman e maruwel rok e girdi’ ma gathi ri baga’ angin. Machane ma micheg e Bible ni bay ni pithig e re magawon nem ma dabki sum biyay. Be gaar Psalm 72:16: “Me par e fayleng nib sug ko grain.”

U tan e Gagiyeg rok Got e ra gaar e girdi’: “Ga be fl’eg rogon e but’ be par nib yong’ol . . . yad be tay e but’ nib sug ko woldug, ereray e pi n’en ni kam ngongliy.”​—Psalm 65:9.

[Picture Credit Line on page 32]

WFP/Y. Yuge