Mang fan ni gamad ma machib?

Dabisiy ni n’en nri ma gagiyelnag nri gamad ba thil e aram e machib ni gamad ma tay u mit e tabinaw, nge yungi n’en ni ma muulung e girdi’ ni yoor ngay, nge yungi n’en ni gamad ma pirieg e girdi’ riy. Mang fan ni gamad ma rin’ e re maruwel ney?

Ma machib e Pi Mich Rok Jehovah ni bochan e ngar pininged e sorok ngak Got mar weliyed fithingan ngan nang. (Hebrews 13:15) Ku gamad ma rin’ e re maruwel ney ni bochan e gamad baadag ni nggu folgad rok Kristus Jesus ni faani tay chilen ni gaar: “Mmarod ngak girdien e pi nam u gubin yang ngam pingeged yad ngar manged pi gachalpeg, . . . mi gimed fil ngorad rogon ni nguur folgad u gubin e tin ni ku gog ngomed ni nguum rin’ed.”​—Matthew 28:19, 20.

Maku reb e, ba t’uf e girdi’ romad. (Matthew 22:39) Riyul’ ni gamad manang ni yooren e girdi’ e bay e teliw rorad ma gathi gubin e girdi’ ni baadag ni nge motoyil ko n’en ni gamad ma machibnag. Machane, gamad manang ni thin nu Bible e ra ayuweg e yafas ko girdi’. Aram fan ni gamad ma “machibnag ngak e girdi’ fare Thin Nib Fel’ ni murung’agen Jesus” ni bod rogon ni i rin’ e pi Kristiano ko bin som’on e chibog.​—Acts 5:41, 42.

Yooren e piin ni yad ma beeg e pi babyor romad e gathi yad e Pi Mich Rok Jehovah. Ma bokum milyon e piin ni gamad ma fil e Bible u taabang e bay e teliw rorad. Machane, yad ba felfelan’ ngay ni ma yan e Pi Mich Rok Jehovah i guyrad.

Sana ku bay boch ban’en u murung’agen e Pi Mich Rok Jehovah ndawori tamilang u wan’um. Ere, gamad be pi’ e athamgil nga lanin’um ni ngam