Ngad Mon’oggad ko Machib​—Rogon ni Ngan Yan Nga Boch Ban’en ni Bay ko JW.ORG

FAN NIB GA’ FAN: Gubin e pi babyor rodad ni gad ma fanay ko machib e be weliy rogon ni ngan yan ko fare website ni jw.org. Bin riyul’ riy e, fan ni kan ngongliy fare contact card nge fare tract ni kenggin e Uw e Rayog ni Ngad Pirieged e Fulweg Riy u Boch e Deer nib Ga’ Fan? e bochan ni nge ayuweg e girdi’ ni nga ranod ko website rodad. Rayog ni ngam fanay fare website ni jw.org ni ngam pi’ reb e babyor ngak be’ ni aram e ngam e-mailnag ngak ara ngam sharenag reb e link ngak u online. Re n’ey e ra ayuwegem u nap’an ni ga be machibnag be’ nib thil e thin rok. Sana kad mada’naged e girdi’ ni kar fithed e deer ngodad ndariy e fulweg riy ko pi babyor ni gad ma fanay ko machib. Ere faanra gad manang rogon ni nga darod nga boch ban’en ni bay ko fare website rodad, ma rayog ni nge ayuwegdad ni nge yib angin e machib ni gad be tay.

ROGON NI NGAN RIN’:

• Mu fanay fare tab ni kenggin e “BIBLE TEACHINGS.” Faanra ga be machibnag reb e gallabthir ni baadag ni nge nang boch ban’en u murung’agen rogon ni ngan chuguliy e bitir, ma rayog ni ngam man ko fare thin ni BIBLE TEACHINGS > MARRIAGE & FAMILY.

• Mu fanay fare tab ni kenggin e “PUBLICATIONS.” Faanra ga be machib u fithik’ e sabethin u skul, ma ga baadag ni ngam dag ngak be’ ni gimew nga skul fare babyor ni kenggin e Answers to 10 Questions Young People Ask, ma rayog ni ngam man ko fare thin ni PUBLICATIONS > BOOKS & BROCHURES.

• Mu fanay fare tab ni kenggin e “ABOUT US.” Faanra ga be machibnag be’ ni gimew ma maruwel u taabang ni baadag ni nge beeg boch ban’en u murung’agen e pi n’en ni ke michan’dad ngay, ma rayog ni ngam man ko fare thin ni ABOUT US > FREQUENTLY ASKED QUESTIONS.

NGAN YALIY FARE VIDEO NI KENGGIN E NAVIGATING JW.ORG, NGEMU’ MAG LEMNAG E GIN NRAYOG NI NGAM MAN NGAY KO RE WEBSITE NEY NI NGAM AYUWEG:

• be’ nder mich Got u wan’

• be’ ni ka fini buch ban’en rok nib tomgin ni ke kirebnag laniyan’

• reb e walag ndakir un ko machib nge muulung

• be’ ni kam sul ni ngam guy ni baadag ni nge nang ko uw e ma yib e salpiy riy ngodad ya nge yag nda ululgad i rin’ e re maruwel ney

• be’ u yugu reb e nam ni baadag ni nge un ko muulung ko binaw rok