Special Campaign October 16–November 12!
1 “Ke Chugur ko Ngiyal’ Nran Thang e Pi Yuraba’ i Teliw ni Googsur!” Aram kenggin fare Kingdom News No. 37 ni ran wereg u ga’ngin e fayleng ko bin migid e pul. U tabolngin e pul ni October ma gad ra wereg e pi magazine ni Wulyang Ntagil’ E Damit! nge Awake! Ma Montag, October 16, nge mada’ ko Madenom, November 12 ma gad ra wereg fare Kingdom News No. 37. Ma nap’an e weekend ma gad ra wereg e re ke babyor ney u taabang e pi magazine.
2 Mini’ e Rayog ni Nge Un Ngay: Urngin e piin ni be wereg fare thin nib fel’ e ra adag ni nge un ko re maruwel ney. Boch e girdi’ ma rayog ni ngar uned ko pioneer ni ayuw. Bay e bitir rom fa boch e Bible study ni yad be mon’og ko tirok Got ban’en? Ngam ayuwegrad ngar fithed e pi piilal ko rayog ni ngar manged publisher. Pi piilal e susun ni ngar guyed e pi publisher ni kar talgad ko machib mar pied e athamgil nga lanin’rad ni ngar uned ko re maruwel ney ma ngar uned ko yugu boch e publisher.
3 Yibe pi’ e pi babyor ko Kingdom News No. 37 ngak urngin e ulung ma rayog ko ra reb e publisher nge pioneer ni nge fek 50 e babyor. Piin ni ba adag e machib ma dawora uned ko publisher e rayog ni ngan pi’ lal’ e babyor ngorad ni rayog ni ngar pied ko tabinaw rorad nge pi fager rorad. Urngin e girdi’ ma susun ni ngar yoloyed urngin e babyor ni kar wereged u keru’ e field service report rorad ko October nge November. Fa en ni secretary e ra theeg urngin e babyor ni wereg fare ulung ma ra pi’ e report ko branch ofis u tomren ra reb e pul. Tin ni ka bay e babyor ko Kingdom News e rayog ni ngan wereg yugu boch e ngiyal’ ko machib.
4 Thin ni Ngan Nog: Dabni weliy e thin ni boor, ya aram rogon ma rayog ni ngan wereg fare babyor ngak e girdi’ ni boor. Rayog ni ngam gaar: “Gu be un ko reb e maruwel ni fan ko girdi’, ma gu be un i wereg e re ke babyor ney u ga’ngin e fayleng ya bay e thin riy ni baga’ fan. Baaray e babyor rom ndariy puluwon. Amu bieg.” Sana fel’ ni dabni fek e kabang u nap’an ni ngan yan u mit e tabinaw iyan. Ngan yoloy nga but’ u murung’agen e piin ni ba adag e machib.
5 Uw Rogon ni Ngan Wereg e Babyor u Lan e Binaw: Dabni wereg e Kingdom News ko machib u kanawo’, ya ngan wereg u mit e tabinaw iyan, nge business territory. Ngan yoloy nga but’ e pi tabinaw ni dariy be’, ma ngan sul ko yugu ba ngiyal’. Rofen ni Montag, November 6 iyan ma rayog ni ngan tay e babyor ko pi naun ni demoy be’. Machane faanra boor e territory ko reb e ulung ma dabiyog ni ngan yan ko urngin e binaw nib tayim, ma pi piilal e ra turguy ko rayog ni ngan tay fare Kingdom News ko pi naun ni dariy be’ riy u nap’an ni ngan tabab i wereg fare babyor.
6 Be chugur iyib e ngiyal’ nran thang “Babylon nib Gilbuguwan.” Ba t’uf ko girdi’ ni ngar chuwgad rok u m’on ni ran thang mit. (Rev. 14:8; 18:8) Ngan fl’eg rogon e chiney ni ngan un ko re maruwel ney ni ran tay u ga’ngin e fayleng ni ngan nog ko urngin e girdi’ ni ke chugur ko ngiyal’ nra m’ay urngin e pi yuraba’ i teliw ni googsur!