Faanra Dariy Be’ u Tabinaw

1. Mang e magawon rodad ko ngiyal’ ni ngad darod ko machib u mit e tabinaw?

¹ Ba mo’maw’ ni ngan mada’nag e girdi’ u tabinaw rorad u boor e binaw. Ngiyal’ ney ma “ri bay mo’maw’” e par riy me ere boor e girdi’ e thingar ra yoornaged e maruwel rorad ni fan e nge yog e tin nib t’uf ngorad. (2 Tim. 3:1) Sana dariy e girdi’ u tabinaw rorad ni bochan e kar ranod ko chuway’ ban’en ara fafel. Ere mang e ngad rin’ed ni nge yog e thin nib fel’ ngorad?

2. Uw rogon nra mudugil ni ngan maruweliy e pi tabinaw nde moy e girdi’ u tabinaw rorad?

² Ngan Yoloy Nga But’: Fa bin som’on e n’en ni ngam rin’ e ngam yoloy nga but’ e tabinaw ni demoy e girdi’ riy. Rib ga’ fan e re n’ey ni faan ran sul ko territory ni boor yay. Ga ma yoloy fithingan e kanawo’, territory namba, fithingam, nge date nga but’ fa? Mu pag ni bay bang riy ni fan e nge yoloy bin migid e girdi’ boch e thin ngay ko ngiyal’ ni nge sul ko tabinaw ndemoy e girdi’ u tabinaw. Ngiyal’ ni ngam mu’ ko machib, dab mu pag talin ni ngam pi’ e babyor ngak fa en ni bay e territory map, machane de t’uf rom ni faan ga ra sul ko pi tabinaw ndemoy e girdi’. Mu fanay yugu reb e babyor ni ngam yoloy nga but’ e thin u murung’agen e girdi’ ni baadag e machib ni ga ra sul ngak.

3. Uw rogon ni ngam pirieg e girdi’ nde moy u tabinaw rorad?

³ Un ko Yugu Ba Ngiyal’: Sana rayog ni ngan pirieg e girdi’ nde moy u tabinaw u nap’an e wik ko balayal’ ara Sabado nge Madenom. Rayog ni ngam thiliyeg e ngiyal’ ni ngam un ko machib ko yugu ba ngiyal’? (1 Kor. 10:24) Faanra dabiyog rom, ma ngam pi’ fa gi babyor ko tabinaw nde moy e girdi’ riy ngak yugu reb e publisher ni nge sul ko yugu ba ngiyal’. Ara nga mu yoloy e babyor ngak e pi girdi’ nde moy u tabinaw rorad ara ngam dengwanagrad. Pi publisher nib m’ar ndabiyog ni ngar uned ko machib u mit e tabinaw u gubin ngiyal’ e rayog ni ngar ayuweged gur.

4. Mang e be dag ni baga’ fan ni ngan sul i gay e girdi’ nde moy u tabinaw rorad?

⁴ Bay ba experience ni be dag ni baga’ fan ni ngan sul i gay e girdi’ nde moy u tabinaw rorad. Ke yan dalip e duw ma ke sul e pi publisher ni in yay ni ngar pirieged e girdi’ u reb e tabinaw, ma aram ma kar pirieged be’. Ke son fare pin ko Pi Mich ni ngar bad ya baadag ni nge sul ko fol Bible ni ke tal u m’on ni ke chur.

5. Wuin e ngan dugliy ni ke m’ay i maruweliy reb e territory?

⁵ Ngan Musnag e Territory: Wuin e ngan dugliy ni ke may i maruweliy reb e territory? Baga’ ni aram e ngiyal’ ni kan sul in yay ni ngan pirieg be’ u ra reb e tabinaw. Sana ba puluw ni ngan tay reb e tract ara reb e magazine ni ke kakrom boch u ba yang ndabiyog ni nge guy yugu girdi’ ko pi tabinaw nde moy e girdi’ riy, ma ri aram rogon nfaanra der ma maruweliy e re territory nem. Susun ni ngan musnag e territory ko aningeg e pul. Ma aram e susun ni ngan sulweg ni fan nrayog rok e territory servant ni nge fl’eg e babyor rok.

6. Mang fan e ngad athamgilgad ni ngad mada’nag gubin e girdi’ u lan e territory ko fare thin nib fel’?

⁶ Gad baadag gubin e girdi’ nrayog riy ni ngar filed rogon ni ngar pininged fithingan Jehovah mar thapgad ngak. (Roma 10:13, 14) Ba muun ngay e girdi’ nde moy u tabinaw rorad ko ngiyal’ ni ngad darod ko machib u mit e tabinaw. Bod e apostal Paul, nga mu tay ni ngam “weliy ngan nang e Thin Nib Fel’ ni yib rok Got ni murung’agen fani t’uf e girdi’ rok Got.”​—Acts 20:24.