Nguud Pared ni Gad ba Pasig ko Machib

¹ Gubin e duw ni ka nap’an 1992 ma boor ko reb e bilyon e awa ni ke tay e Pi Mich Rok Jehovah ni ngar wereged e thin ko Gil’ilungun Got mar ayuweged e girdi’ ngar manged pi gachalpen Jesus. Ri gad ba falfalan’ ya gad be un ko re maruwel ney!​—Matt. 28:19, 20.

² Dabi siy ni Jehovah e bay rogon ni ngan pining e magar ngak min n’uf ya be ayuweg e machib rodad ko ngiyal’ ney nib “mo’maw’ e par.” (2 Tim. 3:1) Mang e ba t’uf ni ngad rin’ed ni nguud pasiggad i un ko re maruwel ney nib ga’ fan?

³ Fan ni Ngan Pasig: Rogon nib t’uf Got rodad nge girdi’ nge rogon ni gad ba adag ni ngad folgad rok Got e aram e ma k’aringdad ngad uned ko machib. (Matt. 22:37-39; 1 John 5:3) T’ufeg e ma k’aringdad ngad paged fadad nrayog ni ngad uned ko machib nge mus rogodad riy.​—Luke 9:23.

⁴ Ngan Athamgil ni Ngan Par nib Pasig: Fare toogor rodad ni Moonyan’ e be guy rogon ndabda pasiggad ko machib. Dariy fan e machib u wan’ e girdi’ u lan e binaw, ma boor e wagey u fayleng mab mo’maw’ e par ma be kireb iyan fithik’ i dowdad ma aram e pi n’en ni be fanay Satan nge n’igin nge mulan’dad.

⁵ Ere thingarda athamgilgad ni ngad pasiggad ko machib. Ba ga’ fan ni ngaud pared nib “t’uf Got rodad ni bod rogon ko som’on.” Ere ba t’uf ni ngad beeged ma ngad fl’eged i lemnag e Thin ko Bible ma ngad uned ko urngin ban’en ni ma yog “fare tapigpig nib yul’yul’ mab gonop.”​—Rev. 2:4; Matt. 24:45; Ps. 119:97.

⁶ Thin ko profet u lan e Bible e be tamilangnag ni be chugur iyib fare rran rok Jehovah ma ra chuweg e piin ndar folgad. (2 Pet. 2:3; 3:10) Nguud lemnaged e re n’em ma nguud athamgilgad nib elmirin ni ngad uned ko machib u fithik’ e pasig ma ngad wereged e thin ko Gil’ilungun Got ma ngad ayuweged e girdi’ ngar manged pi gachalpen Jesus!