Mu Fal’eg Rogom u M’on ko Puguran

Piin ma folwok rok Kristus e ri yad ma felfelan’ ni ngar fal’eged rogorad ni fan ko fare madnom ko yam’ ni tay Jesus Kristus! (Luke 22:19) Mang boch ban’en ni ngan rin’ u m’on ko fare Puguran?

◼ Ngiyal’ nge Gin ni Yira Tay Riy: Thingari urngin e girdi’ mar nanged e ngiyal’ nge gin ni yira tay fare Puguran riy. Ba ga’ fan ni ngan taw nib tayim min guy rogon ndab ni apinpin u langan e mab, ngu daken e sidewalk ngu lan e parking lot.

◼ Babyor ni Ngan Wereg ko Girdi’: Ke fek gubin e publisher boch e babyor ni ngar wereged ko girdi’, fa? Kar nanged e n’en ni bay riy? Kam nang rogon ni ngam wereg e gi babyor ney ngak e girdi’? Mini’ e ga ra pi’ ngak? Ngan guy rogon ni ngan wereg gubin e pi babyor ney nge m’ay.

◼ Karrow: Bay boch e girdi’ ni kan piningrad ko puguran nge boch e walag nib t’uf e ayuw rorad ko karro. Ere, kan yarmiy rogon ni ngan ayuwegrad, fa?

◼ Flowa nge Wain: Dab ni pi’ e flowa nge wain ndawori aw e yal’. Faanra bay reb i girdien fachi ulung ni dabiyog nra un ko puguran ni bochan e ba m’ar, ma ngan guy rogon nge yog nra ked fare flowa mar unumed fare wain. Maku thingar ni ngongliy rogon e flowa nge wain ni yira fanay u m’on riy.​—Mu guy e Wulyang Ntagil’ E Damit ko February 1, 2003, page 21, ko paragraph 14 nge 17.

◼ Kingdom Hall: Thingar ni klinnag e Kingdom Hall u m’on riy. Min ngongliy rogon e tebel nge kap nge wain nge madan e tebel ngan tay nga Kingdom Hall. Min fal’eg rogon e speaker nge pi n’en ni yima rung’ag e welthin riy nge par. Mu kun mel’eg e pi walag nra pi’ e flowa nge wain min weliy ngorad e pi n’en ni ngar rin’ed nge rogon e mad ni ngar chuwgad ngay.

Thingar da fal’eged rogodad ni fan ko re madnom ya rib ga’ fan. Dabisiy nra tow’athnag Jehovah e piin ni be ta’ fan urngin ban’en ni ke rin’ ni fan ko girdi’ u daken e maligach ni pi’ Jesus Kristus ni Fak.