Announcement

◼ Babyor ni ngan wereg ko April nge May: Wulyang ko Damit. Nap’an ni ngan sul ngak e girdi’, ma ngan guy rogon ni ngan tabab ifil e Bible ngorad ni yibe fanay fare ke babyor ni Mang e Ri Be Fil e Bible. June: Mang e Ri Be Fil e Bible? July: Demtrug e babyor ni bay 32 e page riy.

◼ Rayog ni ngan weliy boch ban’en ni yibe puguran ni fan ko district convention ko re wik u m’on ko district convention. Ma reb ara l’agruw e pul u m’on riy min weliy boch ban’en ni fan ko convention nrayog ni ngan fanay u nap’an e machib, ko fare welthin ni kenggin e, tin nib t’uf ko ulung.

◼ Nap’an nra taw ko pul ni May, ma gubin e ulung nsusun e ngar fanayed e bin som’on e Sabado u gubin e pul ni ngar tababgad i fil e Bible ko girdi’. Fare article ni kenggin e “Ngan Fil Ban’en ko Thin Rok Got” ni bay nni tay nga boch e Wulyang ko Damit ni bay fin nni ngongliy e ra ayuweg e pi tamachib ni ngar rin’ed e re n’ey. Maku yira tay ko bin tomur e page ko Machib ko Gil’ilungun boch ban’en nrayog ni nga nog u nap’an e machib, nib muun ngay rogon ni ngan tabab i fil e Bible ngak be’ u nap’an e bin som’on e Sabado ko pul.