Boch Ban’en Nrayog ni Nga Nog

Rogon ni Ngan Tabab i Fil e Bible ngak Be’ ko Bin Som’on e Sabado ko Pul ni May

“Boor e girdi’ ni yad manang fare meybil ni ‘Chitamangimad.’ U lan e re meybil nem e bay bang riy ni yibe ning Gil’ilungun Got ni nge yib. Ka am lemnag ko mang e re gil’ilungun nem? [Mmotoyil ko n’en nra yog.] Re ke babyor ney e be weliy ban’en nrib fel’ u murung’agen e re n’em.” Mi gimew beeg e bin som’on e paragraph u taabang ni bay ko page 4 ko fare Wulyang ko Damit ko April 1. Ngemu’ mu kum beeg e paragraph 3. Mag pi’ fare magazine mi gimew dugliy e rofen ni ngkum sul ngak.

Fare Wulyang ko Damit April 2011

“Goo yi manang e Pi Mich Rok Jehovah ni bochan e machib ni yad ma tay. Ka am lemnag ko mang fan ni gamad ma rin’ e re maruwel ney? [Mmotoyil ko n’en nra yog.] Am motoyil ko re thin ni baaray. [Mag beeg e Matthew 24:14.] Re magazine ney e be pi’ e fulweg ko pi deer ni baaray: Mang e re thin nib fel’ ney? Mang e Gil’ilungun Got? Ma mang fare tomur ni bayi yib?”

Fare Wulyang ko Damit April 2011

“Ba mich u wan’um nreb e maruwel nib milfan ngodad nrib ga’ fan e aram e ngad ayuweged chon e tabinaw rodad, fa’? [Mmotoyil ko n’en nra yog.] Be dag e Bible feni ga’ fan e re n’ey. [Ngan beeg e 1 Timothy 5:8.] Machane susun ni chon mini’ e ngan pi’ e pi ayuw ney ngorad? Ba milfan ko piin Kristiano ni ngar ayuweged e girdi’ u wuru’ e tabinaw rorad, fa? Re magazine ney e be tamilangnag rogon ni be pi’ e Bible e fulweg ko re deer ney.” Min dag fare article ni tabab ko page 30.