Deer

◼ Ba t’uf ni ngan meybil u gubin yang ni yibe fil e Bible riy ko girdi’, fa?

Boor fel’ngin ni ngan tababnag e fol Bible min museg u daken e meybil. U daken e meybil e gad ma ning gelngin Jehovah nib thothup riy ni nge ayuwegdad. (Luke 11:13) Maku meybil e ra ayuweg e en ni gad be fil e Bible ngak ni nge nang feni ga’ fan e fol Bible ni be tay miki nang rogon ni nga i meybil. (Luke 6:40) Ere, ba fel’ ni ngan tabab ko meybil u nap’an e fol Bible u rogon feni papey nrayog. Machane bochan nib thilthil rarogon e piin ni yima fil e Bible ngorad, ma faen ni ma fil e Bible ngak facha’ e ba t’uf ni nge dugliy ko ngan meybil fa danga’.

Reb e ban’en nib ga’ fan ni ngan lemnag e aram e gin ni yibe tay e fol Bible riy. Faanra yibe tay u bang ndariy e girdi’ riy ma rayog ni ngan meybil u m’on ngu tomuren e fol Bible. Machane faan gad ra fal mit e girdi’ ngodad fe kirkireb e en ni gad be fil e Bible ngak, ma ba fel’ ni ngad songad nge taw ko ngiyal’ nrayog ni ngad ted e fol Bible rodad u bang ndariy e girdi’ riy mfin da meybilgad. Demtrug e gin ni gad be fil e Bible riy ngak be’ ma susun ni ngad gonopiyed e ngiyal’ ni ngad meybilgad.​—Mu guy e Machib Rodad Ni Fan Ko Gil’ilungun Got ko March 2005 ko page 4.