Boch Ban’en Nrayog ni Nga Nog

Rogon ni Ngan Tabab i Fil e Bible Ngak Be’ ko Bin Som’on e Sabado ko Pul ni February

Mu pi’ ngak faen ni kam mada’nag fare tract ni kenggin e Ga Baadag ni Ngam Nang e Tin Nriyul’?, ngemu’ mag dag ngak fapi deer ni bay u keru’. Me lungum: “Baaray boch e deer ni be pi’ e Bible e fulweg riy. Ka am fith reb e pi deer ney, fa? Tomuren ni ke fulweg, mi gimew weliy u taabang e fulweg ko re deer ni ke mel’eg mu kum beegew e thin nu Bible nib m’ag ngay. Mu yarmiy ni ngkum sul ngak bayay ngam yaliyew e fulweg u yugu reb e deer ni bay ko gi tract nem.

Fare Wulyang ko Damit January 2012

“Ka am lemnag ko mang fan ni ke yoor e yoko’, nge durru’, nge ku boch ban’en ni ma yib ni yima gafgow riy? [Mmotoyil ko n’en nra yog.] Ke yiiynag e Bible nra taw ko ngiyal’ ney, ma boor e yoko’, nge durru’, nge ku boch ban’en nra yib nra un gafgow riy. [Mu beeg e Matthew 24:7, 8.] Re ke babyor ney e be pi’ e fulweg ko pi deer ni baaray ni gaar: Mang fan ni ke yoor e yoko’, nge durru’, nge ku boch ban’en ni ma yib ni yima gafgow riy? Aray e gechig rok Got ngodad, fa? Mang boch i fan ni nge mich u wan’dad ndab ki n’uw nap’an ma bayi chuweg Got e yoko’, nge durru’, nge ku boch ban’en ni ma yib ni yima gafgow riy.”

Fare Wulyang ko Damit January 2012

“Boor e girdi’ ni ma lemnag ni ma fanay Got e yoko’, nge durru’, nge ku boch ban’en ni ma yib ni yima gafgow riy ni nge gechignag e girdi’. Uw rogon u wan’um? [Mmotoyil ko n’en nra yog.] Pi yoko’, nge durru’, nge ku boch ban’en ni ma yib ni yima gafgow riy e gubin e girdi’ ni ma gafgownagrad. Maku be weliy e Bible fan ndabi fanay Got e pi n’ey ni nge gechignag e girdi’ ndariy ban’en ni kar bucheged. [Mu beeg e 1 John 4:8] Re ke babyor ney e be tamilangnag boch i fan nrayog ni nge pagan’dad ndabi gechignag Got e girdi’ ndariy ban’en ni kar bucheged.”