Boch Ban’en Nrayog ni Nga Nog

Rogon ni Ngan Tabab i Fil e Bible ngak Be’ ko Bin Som’on e Sabado ko Pul ni May

“Boor e girdi’ ni yad be lemnag ni urngin e teliw e ba fel’ u wan’ Got. Uw rogon u wan’um? Bay rogon e n’en ni ke mich u wan’um, fa? [Mmotoyil ko n’en nra yog.] Mu tay fanam i yan ko n’en ni be yog e Bible. [Mu beeg e John 8:32.] Ngemu’ mag pi’ ba ken e Wulyang ko Damit ngak ko April 2012 ma ga yog ni nge lungum: “Re ke babyor ney e be dag ko mang fan nib ga’ fan ni ngad nanged e tin riyul’. [Mu beeg fare paragraph u tomuren John 8:32 ni bay ko page 7.] Be weliy e Bible dalip ban’en ko mang fan ni bay rogon e n’en ni ke mich u wan’dad.” Mu beegew ma ngam weliyew murung’agen e bin migid e paragraph, ma ga yarmiy rogon ni ngam sul ngak ya ngam ululgow i weliy murung’agen e re n’ey.

Fare Wulyang ko Damit April 2012

“Boor ban’en ni ma lemnag e girdi’ u murung’agen Jesus. Boch i yad e be lemnag ni ir fare Messiah ni kan micheg. Ma boch i yad e be lemnag ni ir be’ nib fel’. Maku bay boch e girdi’ ni yad be lemnag ni gathi riyul’ ni immoy. Ma gur, uw rogon u wan’um? [Mmotoyil ko n’en nra yog.] Rogon ni yog e Bible, e ba ga’ fan ni ngad nanged murung’agen. [Mu beeg e John 17:3.] Re ke babyor ney e be dag rogon ni be fulweg e Bible boch e deer u murung’agen Jesus.”

Rogon ni Ngan Tabab i Fil e Bible Ngak Be’ ni Yibe Fanay fare Babyor ni Tract ni Ga Baadag ni Ngam Nang e Tin Nriyul’?

Mu pi’ fare gi babyor ni tract ni Ga Baadag ni Ngam Nang e Tin Nriyul’? ngak be’, ma ngam dag e pi deer ni bay ko bin som’on e page. Ngemu’, mag yog ngak ni nge lungum: “Bay boch e deer u roy nib fel’ ma bay e fulweg riy nib tamilang u Bible. Kaam fith reb ko pi deer ney, fa?” Tomuren ni ke pi’ facha’ e fulweg, ma ngam beegew e fulweg ko fare deer ni ke mel’eg, ma ngam beegew reb e thin nu Bible ni kan tay nga lan fare babyor. Mog ngak ni ngam sul ya ngam weliyew murung’agen reb e deer ni bay u lan fare tract.