Boch Ban’en Nrayog ni Nga Nog

Rogon ni Ngan Tabab i Fil e Bible ngak Be’ ko Bin Som’on e Sabado ko Pul ni August

Mu beeg e Isaiah 42:8. Ngemu’ ma nga mog ni nge lungum: “Rogon ni yog u roy e bay fithingan Got. Uw rogon u wan’um, ba ga’ fan ni ngad fanayed fithingan Got, fa? [Mmotoyil ko n’en nra yog.] Mu tay fanam i yan ko n’en ni be yog u roy.” Mag pi’ ba ken e Wulyang ko Damit ni July 1 ngak, ma gimew ra weliy e pi n’en ni bay u tan fa bin som’on e subheading ni bay ko page 10. Mu pi’ ngak fare babyor ma nga mog ngak ni ngam sul ngak ya ngam weliyew e bin migid e deer.

Fare Wulyang ko Damit July 2012

“Gu baadag ni nggu fithem u murung’agen reb i kenggin e machib nib ga’ fan. [Mu pithig ko page 3, ma ga dag ngak e pi n’en ni kan yoloy nga but’.] Bin ngan ko pi thin ney e ba puluw nga rogon ni ga be lemnag u murung’agen e Bible? [Mmotoyil ko n’en nra yog.] Mu tay fanam i yan ko n’en ni be yog e Bible u murung’agen? [Mu beeg e Roma 15:4.] Re ke babyor ney e be weliy murung’agen lal i fan ni Bible e reb e babyor ni yugub thil ma be weliy ko uw rogon ni nge fel’ rogodad riy.”