Boch Ban’en Nrayog ni Nga Nog

Rogon ni Ngan Tabab i Fil e Bible ngak Be’ ko Bin Som’on e Sabado ko Pul ni February

“Gamow baadag ni nggu fithew ngom ko mini’ fithingan Got? [Mmotoyil ko n’en nra yog.] Mu tay fanam i yan ko re thin ney.” Mag pi’ fare Wulyang ko Damit ni fan ko January 1, mag dag fare article ngak ni bay u keru’ mi gimed weliy e thin u tan fa bin som’on e subheading ma gimed beeg taareb e thin nu Bible. Mag pi’ fare babyor ngak ma nga mognew ngak ni ngam sulow ya ngam weliyed e bin migid e deer.

Fare Wulyang ko Damit January 1

“Boor e girdi’ e yad be weliy murung’agen tomuren e fayleng. Ga be lemnag ni susun ni ngad rusgad nga tomuren e fayleng, fa? [Mmotoyil ko n’en nra yog.] Rogon ni be yog u roy, e bay e girdi’ ni yad ra magey nib fas. [Mu beeg e 1 John 2:17.] Re babyor ney e ra pi’ e fulweg u Bible ko fa aningeg e deer ni murung’agen tomuren e fayleng.”

Rogon ni Ngan Tabab i Fil e Bible Ngak Be’ ni Yibe Fanay fare Babyor ni Ga Baadag ni Ngam Nang e Tin Nriyul’?

Ngam pi’ fare tract ni Ga Baadag ni Ngam Nang e Tin Nriyul’? ngak be’ mag dag e pi deer ni bay ko bin som’on e page. Ma aram mag fith ngak ni nge lungum: “Bay boch e deer u roy nib fel’ ma bay e fulweg riy nib tamilang u Bible. Kaam fith reb ko pi deer ney, fa?” Tomuren ni ke pi’ facha’ e fulweg, ma ngam beegew reb e thin nu Bible ni bay u lan fare babyor. Mog ngak ni ngam sul ya ngam weliyew murung’agen reb e deer ni bay u lan fare tract.