Boch Ban’en Nrayog ni Nga Nog

Rogon ni Ngan Tabab i Fil e Bible ngak Be’ ko Bin Som’on e Sabado ko Pul ni July

“Ba ga’ ni urngin e girdi’ ni gamad ma non ngorad e yad baadag ni nge gapas e fayleng. Machane, ku bay yu yang u fayleng ni yibe mahl riy. Uw rogon u wan’um, mang fan nib mo’maw’ ni nge gapas e fayleng?” Mmotoyil ko n’en nra yog. Mu dag keru’ fare ke Wulyang ko Damit ko June 1, mi gimew weliy e thin u tan fa bin som’on e deer ma gimew beeg taareb e thin nu Bible ni bay riy. Mu pi’ fare babyor ngak, mi gimew weliy ko wuin e ngam sul ngam weliyew murung’agen e bin migid e deer.

Mu tay fanam i yan riy: Re n’ey e thingar ni yan u yaan u nap’an e muulung ni fan ko machib ko July 6.

Fare Wulyang ko Damit June 1

“Daba’ e gamad be non ko girdi’ u murung’agen reb e magawon nib ga’ ni be buch. Ba ga’ ni boor e girdi’ ni yima laniyan’ ngorad. Ga be lemnag ma bay bang u fayleng ndariy e lem ni laniyan’ riy, fa? Mmotoyil ko n’en nra yog. Mu tay fanam i yan ko uw rogon urngin e girdi’ u wan’ Got. [Mu beeg e Acts 10:34.] Re magazine ney e be tamilangnag rogon nra chuweg Got e laniyan’.”

Thin Nib Fel’ Ni Yib Rok Got!

“Gamad be guy girdien e pi tabinaw ko birom e binaw ya nggu daged boch e thin nu Bible nrayog ni nge pi’ e athamgil nga lanin’dad. Boor e girdi’ ni kug nonad ngorad ni yad ma lemnag ko mang fan ni fare Got ni ma t’ufegey e ke pag e girdi’ ni ngar gafgowgad nib gel. Gur, gafgow ni ma yib ngodad e bang ko tin nib m’agan’ ngay aram ko tabolngin?” Mmotoyil ko n’en nra yog. Mag pithig ko guruy ni 5, mi gimew weliy e gal nsom’on e paragraph nge thin nu Bible riy ni kan yoloy nib thig. Mu pi’ fare brochure, ma ngam weliyew ko wuin e ngam sul ngam weliyew e bin migid e deer ni kan yoloy nib gel ramaen.