Mang e Ga Ra Rin’ u Nap’an e Holiday?

Ba fel’ ni ngad uned ko machib u nap’an e holiday ko am nge yugu boch e holiday ni bochan e aram e ngiyal’ nib tal boor e girdi’ ko maruwel. Yibe pi’ e athamgil nga laniyan’ urngin e ulung ni ngar yarmiyed ni ngan un ko machib u nap’an e holiday. Ba fel’ ni ngan thilyeg e ngiyal’ ni ngan yan riy ko machib ni bochan e boor e girdi’ e ngiyal’ nem ni yad ma mol nge misiw’. Rayog ni nga nog ko announcement u nap’an e Service Meeting e pi n’en ni kan yarmiy ni fan ko machib e rorran nem min pi’ e athamgil nga laniyan’ urngin e walag ni ngar uned ko machib. Riyul’ ni ku rayog ni ngad toffangad u nap’an e holiday ara da rin’ed boch e maruwel ni fan ngodad. Machane, mang ndab da ted ba ngiyal’ ko rorran nem ni ngad uned ko machib ko bin ni ngad rin’ed yugu boch ban’en? Faan ga ra rin’ ni aray rogon ma ga ra felfelan’ ni bochan e kam rin’ boch ban’en ni fan ko pigpig ni gad be tay ngak Got.​—Matt. 11:29, 30.