Boch Ban’en Nrayog ni Nga Nog

Kingdom News No. 38

“Gamad be wereg bang e babyor ni bay boch e thin riy nrib ga’ fan ni fan ngodad. Baaray e ngirom.”

Mu tay fanam i yan riy: Dab mu weliy boor ban’en, ya nge yag nni mu’nag e gin ni ngan machib riy. Machane, sana bay boch e girdi’ ni yad baadag e machib, ere yad baadag ni ngam nonad nib n’uw boch nap’an. Faanra aram rogon, ma rayog ni nga mog ngorad ni ngar weliyed lanin’rad ko fare deer ni bay u wuru’ e ngi babyor ney, mag pithig nga baan langgin ngam beeg reb e thin nu Bible riy ngak, ma faanra ka bay e tayim riy mu kum beegew bang riy. U m’on ni ngam chuw mag dag ngak fare deer ni bay u tanggin fare thin ni be gaar, “Ngan Lemnag.” Ngemu’ mi gimew yog e rofen ni ngam sul ngam weliyew e fulweg riy.

Fare Wulyang ko Damit October 1

“Gamad be pi’ e athamgil nga laniyan’ e girdi’ ni ngar beeged e Bible. Gamow manang ni bay boch e girdi’ ni yad baadag ni ngar beeged e Bible; machane ku bay boch ni gathi ri yad baadag ni ngar beeged. Me gur, uw rogon u wan’um? [Mmotoyil ko n’en nra yog.] Baaray e n’en ni be yog e Bible. [Mu beeg e 1 Thessalonika 2:13.] Gu manang ni faanra ba mich u wan’um ni Bible e yib rok Got, me ere ba fel’ ni ngan beeg. Re magazine ney e be weliy e n’en ni bay u lan e Bible nge fan ni ngad adaged ni ngad beeged e thin riy.”