Boch Ban’en Nrayog ni Nga Nog

U Nap’an ni Ngan Wereg Babyoren e Puguran

“Gamad be wereg babyoren reb e muulung ni gamad ra tay nrib ga’ fan. Ra yan i rofen ni April 14, ma bokum milyon e girdi’ u ga’ngin yang e fayleng ni yad ra muulung ni ngar madnomnaged e yam’ ni tay Jesus Kristus, mi yad motoyil nga reb e welthin ni yira pi’ ni be weliy angin e yam’ ni tay Jesus ngodad. Re gi babyor ney e bay riy e gin’en ni yira tay e re muulung ney riy nge ngiyal’ ni yira tay.”

Fare Wulyang ko Damit April 1

“Daba’ e gamad be weliy murung’agen ban’en nib ga’ ni ma rin’ yooren e girdi’. Ba da ke gubin e girdi’ ni yad ma meybil, ni yugu aram rogon nra bagayad ma teliw rok. Ga be lemnag ni ma fulweg Got taban e meybil, fa kemus ni gad ma meybil ni bochan e nge dab kud lemnaged e pi magawon rodad? [Mmotoyil ko n’en nra yog.] Am tay fanam i yan ko n’en ni be yog e Bible u murung’agen e meybil. [Mu beeg e 1 John 5:14.] Re ke babyor ney e be weliy angin e meybil ngodad.”