Fare Theocratic Ministry Skul ko 2015 e Ra Ayuwegdad ni Ngad Mon’oggad ko Machib

¹ I yoloy David ni ir fare psalmist ni gaar: “Mang e gu par nib fel’ u wun’um e thin ni be yib u l’ugunag nge pi n’en ni gu be lemnag. A Somol, ni gur e gu be naf nga tan paam mi gur e Tabiyul rog!” (Ps. 19:14) Gad baadag ni nga u dogned boch ban’en nra fel’ u wan’ Jehovah, nge bochan ni gad ma felfelan’ ko re tow’ath nem ni ngad weliyed e tin riyul’ u lan e ulung nge u nap’an e machib. Fare Theocratic Ministry Skul e aram reb e kanawo’ ni ma fanay Jehovah ni nge skulnagdad riy ya nge yag ni ngad salapgad ko machib. Re skul ney ni yima un ngay e yima tay ni taab yay u reb e wik u boor ko 111,000 e ulung u ga’ngin yang u fayleng. Ma re skul ney e ke ayuweg e pi walag u ga’ngin yang u fayleng ni nge yag ni nge bung rogorad ni ngar filed fare thin nib fel’ nib fel’ rogon ma dab ra rusgad.​—Acts 19:8; Kol. 4:6.

² Pi n’en ni kan yarmiy ni ngan weliy u nap’an e re skul ney ko 2015 e ba muun ngay e pi thin nu Bible ni yira fek ko “An Introduction to God’s Word” ni thin nu Meriken ni kub muun ngay boch ban’en ni kan fek ko fa gal ke babyor ni “T’ufeg Rok Got” nge Thin nib Fel’. Maku, kan thilyeg rogon e tayim ni fan ko Bible highlight nge Assignment No. 1. Pi n’ey ni kan thilyeg nge rogon ni yira pi’ e pi welthin ni bay rogon ko skul e yira weliy ko tin nib migid e paragraph.

³ Bible Highlight: Pi walag ni pumoon ni ngar pied e biney e welthin e kemus ni bay l’agruw e minit nrayog ni ngar weliyed taareb e ban’en ko thin nu Bible ko re wik nem nib ga’ fan ko ulung. Yira fal’eg rogoy nib fel’ rogon ma rayog ni ngan weliy boch ban’en ko Bible nib ga’ fan ko ulung u lan e re tayim nem. Tomuren ma bay nel’ e minit nrayog ni nge pi’ e pi walag ko ulung e fulweg, nra reb e fulweg ma 30 second n’umngin nap’an ara ba lich ni ngar weliyed riy e n’en ni yad baadag ni kar filed ko Bible reading ko re wik nem. Ba t’uf ni ngan fal’eg rogoy, min guy rogon ni ngaun pi’ e fulweg nrayog ni nge pi’ e athamgil nga laniyan’ be’ u lan 30 e second, ma gad ra rin’ e re n’ey ma rayog ni ayuwegey. Yira rin’ e re n’ey u lan e tayim ni kan pi’ ma rayog ko tin ni ka bay e walag ni ngkur pied e fulweg ko n’en ni kar fal’eg i gay murung’agen.

⁴ Assignment No. 1: Tayim ni kan yarmiy ni fan ko Bible reading e kan lichnag ko dalip e minit ara ba lich ma ra buchuuw e thin ko Bible ni yira beeg. Piin ni yad ra beeg e Bible e ba t’uf ni ngar sulod u daken ni boor yay ni aram e ngar beeged nib ga’ lamrad, ma ngar beeged fapi thin nib fel’ rogon ya nge yag ni ngan nang fan fapi thin ko Bible. Urngin e girdi’ rok Jehovah e thingar ra athamgilgad ni ngaur beeged e babyor nib fel’ rogon, ya gad manang ni re n’ey e bang ko liyor rodad ngak Got. Ri gadad ba felfelan’ ni yooren e bitir rodad e yad ma beeg e babyor nib fel’ rogon, ere thingar ni pining e magar ngak e piin gallabthir ni yad ma athamgil ni ngar filed ko bitir rorad rogon ni ngar beeged e babyor nib fel’ rogon.

⁵ Assignment No. 2: Reb e walag nib pin e ra pi’ e re welthin ney ni lal e minit n’umngin nap’an. Ma thingari fal’eg e re welthin ney ni be fanay fare kenggin e welthin ni kan pi’ ngak. N’en nra weliy e bay rogon ko machib ni gadad ma tay ma susun nge puluw ko gin ni gadad ma machib riy. Rayog ni ngan fanay boch e thin nu Bible nib puluw ko re welthin nem. En ni ma yarmiy e skul e ir e ra mel’eg reb e walag ni nge ayuweg facha’ ni bay e welthin rok.

⁶ Assignment No. 3: Reb e walag nib pin ara reb e walag nib pumoon e ra pi’ e biney e welthin ni lal e minit n’umngin nap’an. Faanra reb e walag nib pin e nge fal’eg e re welthin ney, ma thingari fal’eg ni bod rogon e Assignment No. 2. Ma faanra reb e walag nib pumoon e ir e nge fal’eg e re welthin ney ma pi thin ni kan fek e bay rogon ko fare ke babyor ni Thin nib Fel’ ara fare babyor ni “T’ufeg rok Got” ma re welthin ney e ngan pi’ ni yibe lemnag e pi walag u lan e ulung. Faen ni nge pi’ e re welthin nem e thingari tamilangnag fare kenggin e welthin, me mel’eg e pi thin nu Bible nib puluw ngay.

⁷ Ban’en Nib Beech ko Assignment No. 3 ni Fan ko pi Walag ni Pumoon: Faanra kan pi’ reb e welthin ni nge fal’eg reb e walag ni kan fek ko “An Introduction to God’s Word” ni thin nu Meriken, ma thingari rin’ e re n’ey ni be dag yaan rogon ni ngan tay e fol Bible ni tabinaw ara rogon ni ngan yan ko machib u mit e tabinaw. Ba ga’ ni faen ni ma yarmiy e skul e ra mel’eg be’ ni nge ayuweg fare walag ni bay e welthin rok nge rogon ni ngan pi’ e re welthin nem. Faen ni kan mel’eg ni nge ayuweg fare walag e susun ni ir reb i girdien e tabinaw rok ara reb e walag u lan e ulung. Ku rayog ni ngan fanay yugu boch e thin nu Bible nrayog ni nge tamilangnag fare welthin. Bay yu ngiyal’ nrayog ni nga nog ngak reb e piilal ni nge pi’ e re welthin ney. Ma rayog ni ngar mel’eged e en ni nge ayuwegrad nge rogon ni ngar pied fare welthin. Dabisiy nre n’ey e ra pi’ e athamgil nga laniyan’ e pi walag u lan e ulung u nap’an ni yad ra guy e piin piilal nge reb i girdien e tabinaw rorad ara yugu reb e walag ni yad be dag rogon ni ngan fil e Bible ngak be’.

⁸ Fonow: Tomuren ni ke pi’ be’ e welthin rok ma faen ni ma yarmiy e skul e ra yog e n’en nib fel’ ni ke rin’, me fonownag u lan l’agruw e minit nra fanay fapi thin ni bay ko fare ke babyor ni Benefit From Theocratic Ministry School Education. Nap’an nra weliy faen ni be yarmiy e skul e welthin ni nge pi’ reb i girdien fare skul, ma susun dabi weliy e n’en ni be maruweliy facha’. Tomuren e pi welthin ma aram e ngiyal’ ni nge pining e magar ngak faen ni immoy e welthin rok me tamilangnag fan nib fel’ rogon ni ke rin’ e re nem ara nge tamilangnag fan ni kub t’uf ni nge maruweliy e re fonow nem.

⁹ Rayog ni ngan pirieg fare counsel form ni bay ko fare ke babyor ni Ministry School ko page 79 nge mada’ ko 81. Tomuren ni ke fal’eg reb i girdien fare skul e welthin rok ma faen ni ma yarmiy e skul e ra yoloy boch ban’en nga lan e babyor rok ma aram me fith ngak ko ke yag ni nge ngongliy fare exercise ni bay ko fare ke babyor. Rayog ni ngan pining e magar ngak faen ni immoy e welthin rok maku rayog ni nga nog boch ban’en ngak u rogon ni ngki mon’og u tomuren e muulung ara u nap’an ni ku ra pi’ e bin migid e welthin rok. Rogon ni yibe fonownag e piin ni yad be un ko skul ni be’ nge be’ e susun ni ngan lemnag ni ireram reb e kanawo’ ni nge yag ni ngan ayuweg ni nge mon’og ko tirok Got ban’en.​—1 Tim. 4:15.

¹⁰ Faanra pi’ reb i girdien e skul e welthin rok me pag e tayim riy, ma faen ni be yarmiy e skul ara be’ ni be ayuweg e ra chubeg e bell ara nge rin’ yugu reb e ban’en ya nge yag ni nge nang facha’ ni ke gaman e tayim rok. Faen ni be pi’ e welthin e thingari guy rogon ni nge mu’nag e n’en ni be weliy ma aram me sul nge par nga tagil’.​—Mu guy fare ke babyor ni Ministry School, ko p. 282, par. 4.

¹¹ Gubin e girdi’ ni ke bung rogorad e yibe pi’ e athamgil ngorad ni ngar uned ko fare Theocratic Ministry Skul. (Mu guy fare ke babyor ni Ministry School, ko p. 282, par. 6.) Pi n’en ni yima fil ko re skul ney e ke ayuweg e girdi’ rok Jehovah ni nge yag ni ngar machibnaged mi yad fil fare thin nib fel’ ni murung’agen Gil’ilungun Got u fithik’ e pasig nge yul’yul’ nge t’ufeg. Dariy e maruwar riy nib felfelan’ Jehovah ni ke yib angin fare theocratic ministry skul ngak boor e girdi’ ni yad be pining e sorok ngak!​—Ps. 148:12, 13; Isa. 50:4.