Ngan Machibnag e Tin Riyul’ u Murung’agen Jesus u Fithik’ e Pasig

Gad ba pasig ni faanra ga ra nang rogon ni ngad machibnaged e tin riyul’ ni murung’agen Jesus ko girdi’. Jesus e ir fare malang nrib ga’ fan ni ke mang def ko tin riyul’. (Efe. 2:20) Ma kemus ni ir e ra thapegdad ngak Got. (Acts 4:12) Ere, rib ga’ fan ni nge nang gubin e girdi’ ko mang e liw rok Jesus nrogon nib puluw ko n’en nib m’agan’ Got ngay. Boor e girdi’ ni kan bannagrad ni bochan boch e machib nde puluw ko Bible. Ere ba gel e kireban’ riy ya dabiyog ni nge yag ngorad e pi tow’ath ni micheg Got nra pi’ ngak e piin ni yad ma maruweliy e michan’ rorad ngak Jesus. Ra gadad ba pasig ko machib ma rayog ni nge k’aringdad ni ngad adaged ni ngad ayuweged e piin ni yad baadag ni ngar nanged e tin riyul’ u murung’agen Jesus, nge rogon e tha’ u thilrow Got, nge rogon e liw rok Jesus nrogon nib puluw ko n’en nib m’agan’ Got ngay. Ere, ga ra athamgil ni ngam weliy e tin riyul’ u murung’agen Jesus u m’on ngu tomuren e rofen ni Puguran, fa?